6 лютага ў ПА ГА “БРСМ” з правамі РК УА МДПУ імя І.П. Шамякіна адбыўся “Адкрыты дыялог” на тэму “Прафесія як гарантыя будучыні”. У дадзенай сустрэчы прынялі ўдзел студэнты і магістранты УА МДПУ імя І.П. Шамякіна, начальнік аддзела крэдытавання насельніцтва філіяла № 317 ААА “Ашчадны банк Беларусбанк” г. Мазыра, выпускнікі ўніверсітэта, якія з’яўляюцца маладымі спецыялістамі.
У сувязі з абвяшчэннем 2017 года ў Рэспубліцы Беларусь Годам навукі ва ўніверсітэце 3 лютага адбылася азнаямляльная экскурсія для падапечных аддзялення дзённага знаходжання для інвалідаў Тэрытарыяльнага цэнтра сацыяльнага абслугоўвання Мазырскага раёна.
Экскурсанты наведалі музей этнаграфічнай культуры Палескага краю і гісторыі ўніверсітэта, дзе азнаёміліся з жыццём народнага пісьменніка І.П. Шамякіна, а таксама высокімі дасягненнямі студэнтаў нашай вну.
02 лютага на базе кінатэатра “Мір” адбылася інтэлектуальна-дыскусійная гульня “Дэбаты”, асноўным спрэчным пытаннем якой стала эфектыўнасць прафілактыкі негатыўных з’яў у сетцы інтэрнэт.
Каманда маладых дактароў у сваім выступленні падтрымала пазіцыю эфектыўнасці прапаганды здаровага ладу жыцця ў інтэрнэце, аргументуючы гэта агульнай даступнасцю, частым выкарыстаннем сацыяльных сетак сярод моладзі, а таксама прастатой стварэння віртуальных супольнасцей спартыўнай накіраванасці і заахвочвання ў іх вялікай колькасці ўдзельнікаў і зацікаўленых людзей.
У мэтах ушанавання памяці народнага пісьменніка Рэспублікі Беларусь 4 жніўня 2006 г. Указам № 500 імя І.П. Шамякіна прысвоена ўстанове адукацыі “Мазырскі дзяржаўны педагагічны ўніверсітэт”.
30 студзеня споўнілася 96 гадоў з дня нараджэння народнага пісьменніка Беларусі, акадэміка, Героя Сацыялістычнай Працы, лаўрэата Дзяржаўных прэмій СССР і Беларусі Івана Пятровіча Шамякіна.
Імя пісьменніка добра ведаюць як у блізкім, так і ў далёкім замежжы. Яго кнігі выходзілі на пятнаццаці мовах народаў былога СССР і перакладаліся на польскую, чэшскую, іспанскую, кітайскую і іншыя мовы. Многія творы Івана Шамякіна атрымалі другое жыццё на тэатральных сцэнах і кінаэкранах.
Студэнты нашага ўніверсітэта прымаюць актыўны ўдзел у валанцёрскім руху як універсітэта, так і Мазырскага раёна.
За 2016 год быў праведзены шэраг дабрачынных мерапрыемстваў: акцыя “У школу з добрым сэрцам”, навагоднія і калядныя мерапрыемствы для дзяцей, якія знаходзяцца ў складанай сацыяльнай сітуацыі “Лепшае – дзецям”, акцыя “Лепшы падарунак – гэта ўвага” і інш.
Асабліва цесна і плённа работа па арганізацыі валанцёрскага руху наладжана з Беларускім таварыствам Чырвонага Крыжа. Так, у лістападзе адбыўся трохдзённы трэнінг па прафілактыцы ВІЧ-інфекцыі, па выніках якога ўдзельнікі атрымалі вопыт у правядзенні інфасесій і ім былі ўручаны сертыфікаты інструктараў па прафілактыцы ВІЧ
Версія для слабавідушчых 
