Свята горада Мазыра

Падрабязнасці

Апублікавана 28.09.2018 07:49

22 верасня 2018 года адміністрацыя, супрацоўнікі і студэнты УА МДПУ імя І.П. Шамякіна прынялі ўдзел у святочных мерапрыемствах, прысвечаных святкаванню Дня горада Мазыра. У гэтым годзе Мазыру споўнілася 863 гады. Старт мерапрыемствам быў дадзены шэсцем па галоўнай вуліцы горада прадстаўнікоў працоўных калектываў, арганізацый і прадпрыемстваў, моладзі і дзяцей Мазыра, сярод якіх былі і студэнты нашага ўніверсітэта. Святочны настрой стваралі гулянні, якія праходзілі ў цэнтры Мазыра на набярэжнай ракі Прыпяць і ў парку адпачынку “Перамога” да позняга вечара. Завяршылася свята яркім салютам. Свята горада пакінула пасля сябе мноства яркіх эмоцый і незабыўных уражанняў.

Падрабязней...

Прысвячэнне ў першакурснікі

Падрабязнасці

Апублікавана 28.09.2018 07:08

Весела, крэатыўна і эмацыянальна ў першыя дні новага навучальнага года прайшла квэст-гульня “Атрымай веды пра свой універсітэт”, якую праводзіў актыў студэнцкага самакіравання ўніверсітэта сумесна з аддзелам па выхаваўчай рабоце з моладдзю. У гульні прынялі ўдзел студэнты першага курса чатырох факультэтаў: тэхнолага-біялагічнага, філалагічнага, факультэта фізічнай культуры і факультэта дашкольнай і пачатковай адукацыі. Першакурснікі, выконваючы прапанаваныя ім заданні, знаёміліся з адміністрацыяй, структурнымі падраздзяленнямі і аддзеламі ўніверсітэта.Узнагароджанне ўдзельнікаў квэст-гульні адбылося на першай у гэтым навучальным годзе маладзёжнай дыскатэцы, дзе маладых людзей чакалі класная музыка, прызы і выдатны настрой.

Падрабязней...

Студэнты – за чысты горад!

Падрабязнасці

Апублікавана 28.09.2018 07:04

       “Студэнты – за чысты горад!” – пад такім дэвізам прайшоў суботнік па навядзенні парадку і ўпарадкаванасці тэрыторыі парка культуры і адпачынку “Перамога” напярэдадні святкавання Дня горада.

Студэнты, якія пражываюць у інтэрнатах № 1 і № 2, прыбіралі апалае лісце і сухія галіны.

Дзякуючы цёпламу і сонечнаму надвор’ю, добраму настрою ўсе з задавальненнем працавалі, каб зрабіць тэрыторыю парка прыгожай і чыстай, а горад Мазыр – больш прывабным для жыхароў і гасцей.

Падрабязней...

25 верасня – глабальны дзень дзеянняў у падтрымку мэтаў устойлівага развіцця

Падрабязнасці

Апублікавана 28.09.2018 07:00

Арганізацыя ААН штогадова праводзіць акцыю міжнароднай ініцыятывы “Глабальны дзень дзеянняў у падтрымку мэтаў устойлівага развіцця”, мэтай якога з’яўляецца захапленне ўвагі прадстаўнікоў органаў улады, дзелавых і акадэмічных колаў, грамадскіх аб’яднанняў і прыватных асоб ва ўсім свеце да пытанняў дасягнення асноўных мэтаў у галіне адукацыі, аховы здароўя, гендэрнай роўнасці, эканомікі, рацыянальнага выкарыстання прыродных рэсурсаў і г.д.

Установа адукацыі “Мазырскі дзяржаўны педагагічны ўніверсітэт імя І.П. Шамякіна” таксама не застаецца па-за справай і ў межах дадзенай акцыі на базе вну праводзяцца мерапрыемствы, накіраваныя на забеспячэнне здаровага ладу жыцця моладзі, гендэрнай роўнасці, прафілактыкі суіцыданебяспечных паводзінаў сярод студэнтаў.

У верасні спецыялістамі сацыяльна-педагагічнай і псіхалагічнай службы сумесна з прадстаўнікамі духавенства была арганізавана выстава інфармацыйных білбордаў – каштоўнасці моладзі ва ўмовах інфармацыйнага грамадства. У кожнага з наведвальнікаў выставы была магчымасць здабыць для сябе многа цікавай інфармацыі і вызначыцца з уласнымі жыццёвымі мэтамі.