Галоўная Навіны

Перспектывы беларуска-кітайскага супрацоўніцтва ва УА “Мазырскі дзяржаўны педагагічны ўніверсітэт імя І.П. Шамякіна”

Падрабязнасці: Апублікавана 22.04.2019 05:41

26.03.2019 г. УА “Мазырскі дзяржаўны педагагічны ўніверсітэт імя І.П. Шамякіна” наведала дэлегацыя з УА “Гомельскі дзяржаўны ўніверсітэт імя Ф. Скарыны”: Дземідзенка А.М., доктар тэхнічных навук, прафесар, прарэктар па навуковай рабоце, Рагачоў А.В., доктар хімічных навук, прафесар, дырэктар Інстытута Канфуцыя пры УА ГДУ імя Ф. Скарыны з беларускага боку, Ван Лэй, кандыдат тэхнічных навук, дацэнт, дырэктар Інстытута Канфуцыя пры УА ГДУ імя Ф. Скарыны з кітайскага боку, Коваль У.І., доктар філалагічных навук, прафесар, намеснік дырэктара Інстытута Канфуцыя пры УА ГДУ імя Ф. Скарыны. Прадмет перагавораў – адкрыццё на базе УА МДПУ імя І.П. Шамякіна кабінета кітаязнаўства. УА ГДУ імя Ф. Скарыны мае багаты вопыт супрацоўніцтва з Кітайскай Народнай Рэспублікай. Дзякуючы высокім вынікам кабінет кітаязнаўства, адкрыты на базе дадзенага ўніверсітэта, на сённяшні час мае статус Інстытута Канфуцыя.

Падрабязней...

Каралева Вясна – 2019

Падрабязнасці: Апублікавана 22.04.2019 05:32

11 красавіка 2019 года ў горадзе Гомелі адбыўся фінал абласнога этапа Міжнароднага конкурсу грацыі і артыстычнага майстэрства “Каралева Вясна – 2019”. У гэтым годзе за карону пераможцы змагаліся 13 удзельніц з вядучых вну Гомельскай вобласці.

Наш універсітэт прадставілі Светагор Паўла, студэнтка філалагічнага факультэта, і Аднаколава Наталля, студэнтка факультэта дашкольнай і пачатковай адукацыі.

Па выніках конкурсу нашы прыгажуні атрымалі тытулы “Каралева Творчасць” (Светагор Паўла) і “Каралева Арыгінальнасць” (Аднаколава Наталля).

Падрабязней...

Лекцыя прафесара кафедры камп’ютарных тэхналогій і сістэм Беларускага дзяржаўнага ўніверсітэта Таранчука В.Б. на фізіка-інжынерным факультэце

Падрабязнасці: Апублікавана 08.04.2019 08:29

29 сакавіка 2019 года прачытаў лекцыю для студэнтаў фізіка-інжынернага факультэта спецыяльнасці “Камп’ютарная фізіка” адзін з вядомых спецыялістаў у галіне прыкладной інфарматыкі, прафесар кафедры камп’ютарных тэхналогій і сістэм факультэта прыкладной матэматыкі і інфарматыкі Беларускага дзяржаўнага ўніверсітэта, доктар фізіка-матэматычных навук, прафесар Таранчук Валерый Барысавіч. Валерый Барысавіч расказаў студэнтам пра сучасныя сістэмы камп’ютарнай матэматыкі ў адукацыі і навуцы, пра спецыяльнасці, якія выпускаюцца на факультэце прыкладной матэматыкі і інфарматыкі БДУ, пра комплексы праграм навучання, пра спецыяльнасці ў аспірантуры па праграмаванні.

Лекцыя прафесара Таранчука В.Б. выклікала інтарэс у студэнтаў.

Майстар-клас “Ад здзіўлення да дзеяння”

Падрабязнасці: Апублікавана 08.04.2019 08:26

29 сакавіка 2019 года настаўнік фізікі вышэйшай катэгорыі ДУА “Сярэдняя школа № 1 г. Фаніпаля”, пераможца заключнага этапа Рэспубліканскага конкурсу прафесійнага майстэрства педагагічных работнікаў “Настаўнік года Рэспублікі Беларусь – 2017” у намінацыі “Фізіка, астраномія, матэматыка, інфарматыка” Дубіна Максім Віктаравіч правёў майстар-клас “Ад здзіўлення да дзеяння” для студэнтаў спецыяльнасці “Фізіка і інфарматыка” фізіка-інжынернага факультэта, а таксама для выкладчыкаў універсітэта і настаўнікаў фізікі г. Мазыра.

З гонарам адзначаем, што Дубіна Максім Віктаравіч – выпускнік фізіка-матэматычнага факультэта 2013 года.

Падрабязней...

Аб рабоце секцыі “Вопыт і перспектывы выкарыстання інавацыйных тэхналогій у выкладанні фізіка-матэматычных дысцыплін”

Падрабязнасці: Апублікавана 08.04.2019 08:23

28 сакавіка 2019 года ў межах работы ХІ Міжнароднай навукова-практычнай канферэнцыі “Інавацыйныя тэхналогіі навучання фізіка-матэматычным і прафесійна-тэхнічным дысцыплінам” на фізіка-інжынерным факультэце ўстановы адукацыі “Мазырскі дзяржаўны педагагічны ўніверсітэт імя І.П. Шамякіна” была арганізавана работа секцыі “Вопыт і перспектывы выкарыстання інавацыйных тэхналогій у выкладанні фізіка-матэматычных дысцыплін”. У яе рабоце прынялі ўдзел выкладчыкі вну Рэспублікі Беларусь, а таксама настаўнікі фізікі і матэматыкі г. Мазыра.