Галоўная Навіны

Удзел у семінары маладых вучоных “Роля маладых вучоных у развіцці мадэлі “Універсітэт 3.0””

Падрабязнасці: Апублікавана 29.01.2019 11:57

Напярэдадні Дня беларускай навукі 24 студзеня 2019 года ў Беларускім дзяржаўным эканамічным універсітэце адбыўся семінар для маладых вучоных “Роля маладых вучоных у развіцці мадэлі “Універсітэт 3.0””. Наш універсітэт прадставіла дацэнт кафедры замежных моў і методыкі выкладання замежных моў, кандыдат філалагічных навук Яблонская Вольга Генадзьеўна.

Міністр адукацыі Ігар Уладзіміравіч Карпенка прадставіў вынікі работы і навуковыя дасягненні вучоных краіны за 2018 год. У форме адкрытага дыялогу адбылася гутарка маладых вучоных з Ігарам Уладзіміравічам, які падкрэсліў, што развіццё ўніверсітэцкага сектара навукі бачыцца ва ўзаемадзеянні з рэальным сектарам эканомікі. Асаблівы інтарэс удзельнікаў быў выкліканы работай універсітэтаў, якія ўжо выконваюць і рашаюць значныя для прамысловых прадпрыемстваў задачы. Абмяркоўваліся пытанні па арганізацыі навукова-інавацыйнай дзейнасці ва ўніверсітэтах для рэалізацыі мадэлі “Універсітэт 3.0”.

За значны асабісты ўклад у развіццё навукі і інавацыйнай дзейнасці і ў сувязі са святкаваннем Дня беларускай навукі Яблонская Вольга Генадзьеўна ўзнагароджана Удзячнасцю Міністэрства адукацыі Рэспублікі Беларусь.

Падрабязней...

Урачысты сход, прысвечаны Дню беларускай навукі

Падрабязнасці: Апублікавана 29.01.2019 11:46

23 студзеня ва ўніверсітэце адбыўся ўрачысты сход, прысвечаны Дню беларускай навукі.

Навука была і застаецца асноўнай рухаючай сілай любой дзяржавы. Па ўзроўні адукацыі і інтэлектуальнага патэнцыялу наша рэспубліка займае адно з вядучых месцаў у свеце. Свой прыкметны ўклад у развіццё інавацыйнай сферы рэспублікі, горада і раёна ўносяць і вучоныя нашага ўніверсітэта, развіваючы прыярытэтныя для нашай краіны накірункі.

З прывітальным словам да ўсіх прысутных звярнуўся рэктар УА МДПУ імя І.П. Шамякіна, кандыдат фізіка-матэматычных навук, дацэнт Валерый Мікалаевіч Наўныка, які павіншаваў навуковую грамадскасць універсітэта з прафесійным святам.

Падрабязней...

“Плакат як летапіс бою, як хроніка пачуццяў”

Падрабязнасці: Апублікавана 16.01.2019 12:07

Замежныя навучэнцы Мазырскага дзяржаўнага педагагічнага ўніверсітэта імя І.П. Шамякіна 11 студзеня 2019 года наведалі музей народнай культуры Мазыршчыны “Палеская веда”. Экскурсія была арганізавана ў межах святкавання 75-годдзя вызвалення г. Мазыра і Мазырскага раёна ад нямецка-фашысцкіх захопнікаў.

Студэнты наведалі “Залу Баявой славы”, дзе да 75-годдзя вызвалення г. Мазыра была выстаўлена экспазіцыя “Плакат як летапіс бою, хроніка пачуццяў”. У ёй былі прадстаўлены фотапартрэты ветэранаў вайны, спісы ўзнагароджаных ордэнамі і медалямі, франтавая перапіска, асабістыя рэчы ўдзельнікаў вайны, макеты зброі і інш.

Падрабязней...

Калядны канцэрт

Падрабязнасці: Апублікавана 16.01.2019 12:02

10 студзеня 2019 года на сцэне Палаца культуры ААТ «Мазырскі нафтаперапрацоўчы завод» адбыўся традыцыйны Калядны канцэрт па блаславенні Правялебнага Леаніда, епіскапа Тураўскага і Мазырскага. Гасцямі мерапрыемства сталі студэнты філалагічнага факультэта спецыяльнасці “Гісторыя і грамадазнаўчыя дысцыпліны”.

З прывітальным словам да гледачоў звярнуліся: епіскап Тураўскі і Мазырскі Леанід, старшыня Мазырскага раённага выканаўчага камітэта Паўлечка А.Ф., старшыня Мазырскага раённага савета дэпутатаў Назаранка В.А., якія павіншавалі ўсіх прысутных са святам Нараджэння Хрыстова, пажадалі міру і цеплыні, шчасця і любові ў дамах мазыран, здароўя і дабрабыту.

Падрабязней...

75 год вызвалення г. Мазыра і Мазырскага раёна ад нямецка-фашысцкіх захопнікаў

Падрабязнасці: Апублікавана 16.01.2019 11:59

11–14 студзеня 2019 года ва ўстанове адукацыі “Мазырскі дзяржаўны педагагічны ўніверсітэт імя І.П. Шамякіна” адбыліся ўрачыстыя мерапрыемствы, прымеркаваныя да 75-й гадавіны вызвалення г. Мазыра і Мазырскага раёна ад нямецка-фашысцкіх захопнікаў: у вучэбных групах адбыліся куратарскія гадзіны, прысвечаныя 75-й гадавіне вызвалення г. Мазыра і Мазырскага раёна ад нямецка-фашысцкіх захопнікаў; у бібліятэцы, у навуковай і чытальнай залах універсітэта былі арганізаваны тэматычныя выставы; у інтэрнатах універсітэта былі выдадзены тэматычныя газеты. Супрацоўнікі і студэнты ўніверсітэта наведалі кінатэатр “Мір” для прагляду фільма “Нязломны”, наведалі выставу ваеннага плаката “Плакат як летапіс бою, як хроніка пачуццяў” з фондаў ДУК “Мазырскі аб’яднаны краязнаўчы музей” у гістарычным цэнтры “Мазырскі замак”. Студэнты, якія пражываюць у інтэрнатах, наведалі ветэранаў Вялікай Айчыннай вайны.

Падрабязней...