Адзіны дзень бяспекі

Падрабязнасці

Апублікавана 04.03.2019 05:25

З 20 лютага па 1 сакавіка 2019 года ў Рэспубліцы Беларусь праходзіць акцыя “Адзіны дзень бяспекі”, накіраваная на фарміраванне ў грамадстве культуры бяспекі жыццядзейнасці.

27 лютага 2019 года на базе ўніверсітэта адбылося прафілактычнае мерапрыемства па папярэджанні надзвычайных сітуацый, прапарушэнняў і злачынстваў, а таксама навучанне правілам паводзінаў у розных надзвычайных сітуацыях і аказанні першай медыцынскай дапамогі.

У межах акцыі таксама прайшлі вучэнні і трэніроўка па рэагаванні на надзвычайную сітуацыю тэхнагеннага характару на аб’ектах з масавым знаходжаннем людзей. Адпрацоўвалася бяспечнае правядзенне эвакуацыі з вучэбнага корпуса № 1, які знаходзіцца па адрасе: вул. Студэнцкая, 28.

Падрабязней...

Універсітэт: учора, сёння, заўтра

Падрабязнасці

Апублікавана 04.03.2019 05:22

У межах святочных мерапрыемстваў, прымеркаваных да 75-гадовага юбілею нашага ўніверсітэта, актывамі студэнцкага самакіравання кожнага факультэта ў холе галоўнага корпуса былі арганізаваны інтэрактыўныя пляцоўкі “Універсітэт: учора, сёння, заўтра”. Кожны факультэт у жывой і цікавай форме раскрыў прапанаваную назву інтэрактыўных пляцовак.

Студактыў філалагічнага факультэта правёў бліц-апытанне “75 прычын, паводле якіх я люблю МДПУ”, віктарыну “МДПУ у лічбах”, за кожны правільны адказ удзельнікі атрымалі памятныя ўзнагароды з сімволікай універсітэта.

Актывісты тэхнолага-біялагічнага факультэта арганізавалі віктарыну “Ад вытокаў у будучыню”, прапанаваўшы ўсім жадаючым праверыць свае веды пра кіраўнікоў вну, а таксама падзяліцца сваімі думкамі пра тое, якія традыцыі нашага ўніверсітэта студэнты і супрацоўнікі жадалі б аднавіць.

Падрабязней...

З юбілеем, любімы ўніверсітэт!

Падрабязнасці

Апублікавана 04.03.2019 05:19

   Для Мазырскага дзяржаўнага педагагічнага ўніверсітэта імя І.П. Шамякіна 23 лютага – не проста дата ў календары! У гэты дзень універсітэт адзначыў свой 75-гадовы юбілей! Дзень нараджэння навучальнай установы стаў вялікім святам для ўсёй універсітэцкай супольнасці, кіраўніцтва, прафесарска-выкладчыцкага складу, супрацоўнікаў, ветэранаў, аспірантаў, магістрантаў, студэнтаў і выпускнікоў. Напярэдадні гэтай знамянальнай падзеі 22 лютага канцэртная зала ДК ААТ “Мазырскі НПЗ” не магла змясціць усіх тых, каго аб’яднаў юбілей нашага ўніверсітэта.

З гэтай значнай датай у летапісе ўніверсітэта павіншаваў рэктар Валерый Мікалаевіч Наўныка, які яшчэ раз нагадаў удзельнікам урачыстага мерапрыемства старонкі слаўнай гісторыі МДПУ, час перамог і дасягненняў, выніковай работы ўсяго калектыву і ўкладу кожнага ў агульную справу. У сваім прывітальным слове ён адзначыў, што гэта асаблівае свята для тысяч выпускнікоў, якім універсітэт даў якасныя веды і прывіў любоў да педагагічнай прафесіі. Асаблівую ўдзячнасць Валерый Мікалаевіч выказаў старэйшаму пакаленню кіраўнікоў: Дударэнка У.А., Валетаву В.В., выкладчыкам-ветэранам, супрацоўнікам, якія ўнеслі вялікі ўклад у падрыхтоўку педагагічных кадраў не толькі для Палескага рэгіёна, але і для ўсёй рэспублікі.

Падрабязней...

“Сузор’е моўных культур”: 75-годдзю ўніверсітэта і філалагічнага факультэта прысвячаецца

Падрабязнасці

Апублікавана 04.03.2019 05:13

20.02.2019 на філалагічным факультэце адбыўся літаратурна-музычны фестываль “Сузор’е моўных культур”, прысвечаны юбілею ўніверсітэта і філалагічнага факультэта, а таксама Міжнароднаму дню роднай мовы. Філалагічны факультэт сёння – гэта яркая вясёлка спецыяльнасцей, творчых ідэй, педагагічных адкрыццяў, гэта сузор’е таленавітых студэнтаў і педагогаў; гэта саюз студэнтаў розных нацыянальнасцей, моўных культур, вераспавяданняў. Родная мова – гэта душа і гісторыя народа, яго жывая памяць і спадчына. Беларусы, рускія і ўкраінцы, туркмены і азербайджанцы, грузіны і ўзбекі і інш. – шматнацыянальная студэнцкая сям’я філалагічнага факультэта. Сярод гасцей свята – рэктар УА МДПУ імя І.П. Шамякіна Валерый Мікалаевіч Наўныка, прарэктар па навуковай рабоце Таццяна Уладзіславаўна Паліева, начальнік вучэбна-метадычнага аддзела Наталля Леанідаўна Сіліванава, старшыня прафкама студэнтаў універсітэта Віктар Віктаравіч Струкаў, выкладчыкі, студэнты, выпускнікі філалагічнага факультэта. Ініцыятарам правядзення фестывалю выступіла намеснік дэкана па выхаваўчай рабоце Ірына Леанідаўна Судзібор.

Фестываль быў адкрыты прывітальным словам загадчыка кафедры беларускай і рускай філалогіі Чэчка Таццяны Мікалаеўны, якая павіншавала ўсіх са святам і падкрэсліла значнасць міжмоўнага ўзаемадзеяння і зносінаў у сучасным свеце.

Падрабязней...