Першай вераснёўскай раніцай у Мазырскім дзяржаўным педагагічным універсітэце імя І.П. Шамякіна адбылося штогадовае ўрачыстае мерапрыемства, прысвечанае Дню ведаў і ўніверсітэт адчыніў свае дзверы для новага пакалення студэнтаў.
10 чэрвеня 2016 года адбылася цырымонія ўшанавання пераможцаў абласнога агляду-конкурсу на лепшую арганізацыю ідэалагічнай работы ў працоўных калектывах. Агляд-конкурс на лепшую арганізацыю ідэалагічнай работы ў працоўных калектывах Гомельскай вобласці праводзіўся па 11 намінацыях.
Пры падвядзенні вынікаў улічвалася выкананне важнейшых эканамічных паказчыкаў развіцця ўстаноў, ідэалагічнае забеспячэнне выканання сацыяльна-эканамічных задач, ідэалагічнае забеспячэнне ўмацавання грамадскай бяспекі і дысцыпліны, наяўнасць і разнастайнасць форм і метадаў ідэалагічнай работы і іншае.
8-12 чэрвеня 2016 г. у Брэсце адбываўся чэмпіянат Беларусі па веславанні на байдарках і каноэ. У спаборніцтвах прымалі ўдзел мацнейшыя беларускія спартсмены, у тым і ліку і студэнты факультэта фізічнай культуры УА МДПУ імя І.П. Шамякіна.
Нашы спартсмены заваявалі 12 медалёў (3 залатыя, 3 сярэбраныя, 6 бронзавых).
З 30 мая па 3 чэрвеня ва ўніверсітэце быў праведзены Тыдзень псіхалагічнага здароўя, у рамках якога быў арганізаваны шэраг мерапрыемстваў.
На факультэтах былі праведзены куратарскія і інфармацыйныя гадзіны “Псіхалагічная падрыхтоўка да экзаменацыйнай сесіі”, размешчана інфармацыя на стэндах і сайце ўніверсітэта “Як пазбавіцца ад экзаменацыйнага стрэсу”.
3 чэрвеня 2016 года Беларускі рэспубліканскі саюз моладзі прэзентаваў новы праект – “Дыялог пакаленняў “Кветкі Вялікай Перамогі””. У яго адкрыцці прынялі ўдзел намеснік Прэм’ер-міністра Наталля Качанава, Старшыня Цэнтрвыбаркама Людзія Ярмошына, палітыкі, парламентарыі, ветэраны вайны і працы, прадстаўнікі бізнесу, спорту, навукі, культуры, а таксама 150 дэлегатаў будучага Усебеларускага народнага сходу ад моладзі, якія з’ехаліся ў Мінск з усіх канцоў краіны. Наш універсітэт прадстаўляў студэнт філалагічнага факультэта Гарбачук Віктар.
Версія для слабавідушчых 
