Семінар “Фарміраванне камунікатыўнай культуры навучэнцаў у кантэксце беларускага менталітэту”
- Details
- Published on Friday, 29 March 2013 05:18
![embl gramadzyanin](/images/news/03.2013/embl_gramadzyanin.png)
Студэнты Юхалка В., Сцельмашонак Т., Сузько А., Лісавец Н. падзяліліся ўражаннямі і прадставілі вынікі сваёй работы падчас навукова-этнаграфічнай экспедыцыі, якая адбылася ў межах міжнароднага фестывалю “Зоў Палесся”. Экспедыцыя праводзілася з мэтай збору, вывучэння, рэканструкцыі і захавання матэрыяльнай і духоўнай культуры Беларускага Палесся і была арганізавана Гомельскім абласным краязнаучым музеем для студэнтаў, магістрантаў, навуковых супрацоўнікаў, выкладчаў ВНУ г. Гомеля і г. Мазыра.
Кожнае выступленне на семінары было прысвечана пэўнаму накірунку работы экспедыцыі. Рэканструкцыя беларускай песні, абрадаў (Юхалка Віялета); прэзентацыя майстар-класа вяскоўцаў па вязанні, ткацтву, прадзенні, вышыўцы, пляценні, бандарству (Лісавец Надзея, Сузько Аліна); прадстаўленне Вясковага музея-хаты Петрыкаўскага краязнаўчага музея (Сцельмашонак Таццяна). Удзельнікі семінара падзякавалі студэнтам за паведамленні, цікавасць да роднай гісторыі і культуры.
|