Псіхалагічны семінар-практыкум “Прафілактыка прафесійнага выгарання і фарміраванне ўстойлівасці да стрэсу ў студэнтаў вну”

Падрабязнасці

Апублікавана 02.05.2018 12:32

         24 красавіка 2018 года ў рамках правядзення тыдня студэнцкай навукі ў нашым універсітэце адбыўся псіхалагічны семінар-практыкум “Прафілактыка прафесійнага выгарання і фарміраванне ўстойлівасці да стрэсу ў студэнтаў вну”, у якім прынялі ўдзел студэнты факультэта ДіПА, якія навучаюцца па спецыяльнасцях “Сацыяльная работа (сацыяльна-педагагічная дзейнасць)”, “Лагапедыя”, “Пачатковая адукацыя”, “Дашкольная адукацыя”.

Семінар-практыкум праводзіла кандыдат педагагічных навук, дацэнт кафедры педагогікі і псіхалогіі Калеснічэнка Алена Аляксееўна пры актыўным удзеле будучых педагогаў сацыяльных, студэнтаў 3 курса, 3 групы факультэта ДіПА. Ва ўступным слове Алена Аляксееўна актуалізавала праблему прафесійнага (эмацыянальнага) выгарання ў педагагічнай дзейнасці, сутнасць дадзенага сіндрому, этапы і прычыны яго ўзнікнення, а таксама эфектыўныя метады і прыёмы фарміравання ўстойлівасці да стрэсу ў будучых педагогаў.

Падрабязней...

“Прыгажосць выратуе свет!”

Падрабязнасці

Апублікавана 02.05.2018 12:30

25 красавіка ў Палацы культуры “Будаўнік” адбыўся конкурс прыгажосці і грацыі “Міс універсітэт – 2018”. 5 таленавітых і артыстычных дзяўчат, студэнтак усіх факультэтаў універсітэта, не пабаяліся выйсці на публіку і паказаць усе свае здольнасці ў барацьбе за тытул “Міс універсітэт – 2018”.

“Прыгажосць выратуе свет!” – з гэтым выслоўем ніхто не спрачаецца. Аднак у нашым універсітэце лічаць, што свет выратуе гармонія душэўнай прыгажосці са знешняй. Менавіта таму на конкурсе “Міс універсітэт – 2018” быў зроблены акцэнт не толькі на знешніх дадзеных, але і на таленце, розуме.

На працягу месяца ўдзельніцы актыўна рыхтаваліся да гэтай падзеі. Дзяўчаты засвойвалі навыкі дэфіле, сцэнічнага маўлення, акторскага майстэрства, а таксама ўдзельнічалі ў розных фотаздымках. Гледачы змаглі паглыбіцца ў атмасферу свята і дакрануцца да прыгожага.

Падрабязней...

Педагагічная практыка студэнтаў-гісторыкаў

Падрабязнасці

Апублікавана 02.05.2018 12:28

З 5 сакавіка 2018 года ў студэнтаў філалагічнага факультэта спецыяльнасці “Гісторыя і грамадазнаўчыя дысцыпліны” праходзіць педагагічная практыка на базе ДУА “Сярэдняя школа № 7 г. Мазыра” і ДУА “Сярэдняя школа № 12 г. Мазыра”. Студэнты-гісторыкі набываюць свой першы педагагічны вопыт пад кіраўніцтвам вопытных педагогаў Кандраценка Р.П., Фраловай І.В., Неўмяржыцкай А.Ф., Рэчыц А.М., Кліменка В.І., Гурынай Т.С.

Разам з беларускімі студэнтамі на базе ўстаноў агульнай сярэдняй адукацыі практыку праходзяць і замежныя студэнты. Асабліва хочацца адзначыць прафесіяналізм студэнткі 3 курса 2 групы Ібрагімавай Азізы Бахадураўны, якая дэманструе выдатныя веды і прафесійныя навыкі.

Падрабязней...

Міжнародны навуковы кангрэс “Каштоўнасці, традыцыі і навацыі сучаснага спорту”

Падрабязнасці

Апублікавана 02.05.2018 12:23

У Беларускім дзяржаўным універсітэце фізічнай культуры 18–20 красавіка адбыўся Міжнародны навуковы кангрэс “Каштоўнасці, традыцыі і навацыі сучаснага спорту”.

Форум сабраў больш за 500 чалавек з 18 краін: Арменіі, Беларусі, Балгарыі, Грузіі, Казахстана, Кітая, Рэспублікі Карэя, Латвіі, Лівана, Літвы, Малдовы, Польшчы, Расіі, Сербіі, Турцыі, Украіны, Чэхіі і Японіі.

У пленарным пасяджэнні прынялі ўдзел Міністр спорту і турызму Рэспублікі Беларусь Сяргей Міхайлавіч Кавальчук, першы віцэ-прэзідэнт НАК Андрэй Уладзіміравіч Асташэвіч, старшыня Дзяржаўнага камітэту па навуцы і тэхналогіях Рэспублікі Беларусь Аляксандр Генадзьевіч Шумілін, а таксама рэктар БДУФК Сяргей Барысавіч Рэпкін і яго калегі з Расіі і Польшчы.

Падрабязней...