Галоўная Навіны

“Жыццё без агрэсіі”

Падрабязнасці: Апублікавана 24.06.2019 13:04

На працягу трох месяцаў (сакавік, красавік, май) ва ўніверсітэце праводзіліся прафілактычныя гутаркі са студэнтамі 1-га і 2-га курсаў.

Мэта дадзеных сустрэч – псіхалагічная асвета, прафілактыка агрэсіўных паводзінаў, стварэнне ўмоў для развіцця ў студэнтаў здольнасці да рэфлексіі сваіх дзеянняў.

У межах дадзеных гутарак студэнты былі актыўна падключаны да работы, дзяліліся сваімі думкамі і не заставаліся абыякавымі. У многіх студэнтаў узніклі пытанні, адказы на якія былі знойдзены падчас сустрэч.

Падрабязней...

Дні беларускай адукацыі ў Расійскай Федэрацыі

Падрабязнасці: Апублікавана 24.06.2019 11:48

29–30 мая на базе Дзелавога і культурнага комплекса Пасольства Рэспублікі Беларусь у Маскве адбыліся Дні беларускай адукацыі ў Расійскай Федэрацыі.

Праграма мерапрыемстваў была вельмі насычанай: Дзелавы савет рэктараў устаноў адукацыі Рэспублікі Беларусь і Расійскай Фэдэрацыі па пытаннях развіцця супрацоўніцтва ў адукацыйнай і навуковай сферах, Міжнародная навукова-практычная канферэнцыя “Руская і беларуская мова ў кантэксце глабалізацыі”, семінар-практыкум “Стан і перспектывы развіцця адукацыйнага турызму Рэспублікі Беларусь і Расійскай Федэрацыі” для турыстычных агенцтваў і цэнтраў дадатковай адукацыі Расійскай Федэрацыі з прэзентацыяй экскурсійна-адукацыйных і культурна-пазнаваўчых праграм у Рэспубліцы Беларусь для расійскіх навучэнцаў і шэрагу іншых мерапрыемстваў.

Падрабязней...

Выніковае пасяджэнне актыву студэнцкага самакіравання ўніверсітэта

Падрабязнасці: Апублікавана 24.06.2019 11:25

05 чэрвеня 2019 года адбылося выніковае пасяджэнне актыву студэнцкага самакіравання ўніверсітэта, на якім прысутнічалі старшыні студсаветаў і актывісты факультэтаў і інтэрнатаў універсітэта, куратар студэнцкага самакіравання Туравец Н.І.

На пасяджэнні былі падведзены вынікі работы студактыву ўніверсітэта за 2018/2019 навучальны год і ўнесены прапановы па ўдасканальванні работы актыву студэнцкага самакіравання ўніверсітэта на наступны навучальны год.

Па выніках работы студэнцкага самакіравання ўніверсітэта за 2018/2019 навучальны год былі ўручаны лісты падзякі найбольш актыўным студэнтам.

Падрабязней...

Аб мерах бяспекі пры выкарыстанні банкаўскіх плацёжных карт

Падрабязнасці: Апублікавана 24.06.2019 07:43

30 мая 2019 года адбылася сустрэча студэнтаў 1 курса 1 групы фізіка-інжынернага факультэта з супрацоўнікамі ААТ “АСБ Беларусбанк” на тэму “Меры бяспекі пры выкарыстанні банкаўскіх плацёжных карт”. Супрацоўнікі банка расказалі аб правілах карыстання плацёжнымі сістэмамі, аб дадатковых магчымасцях плацёжных карт, а таксама пра такі пароль, як 3D-Secure. Студэнты з цікавасцю слухалі супрацоўнікаў банка, задавалі пытанні, на якія адразу атрымалі адказы. Напрыканцы сустрэчы кожны студэнт атрымаў інфармацыйны буклет.

Падрабязней...

ДАРОГАМІ ПАМЯЦІ

Падрабязнасці: Апублікавана 13.06.2019 14:20

Напярэдадні святкавання 75-годдзя з дня вызвалення Беларусі ад нямецка-фашысцкіх захопнікаў студэнты Мазырскага дзяржаўнага педагагічнага ўніверсітэта імя І.П. Шамякіна наведалі мемарыяльны комплекс “Азарычы”, што знаходзіцца ў Калінкавіцкім раёне.

У гады Вялікай Айчыннай вайны канцэнтрацыйны лагер “Азарычы” праіснаваў толькі дзесяць дзён, аднак у гісторыі і на сённяшні дзень гэта самае страшнае месца, дзе ў жудасных умовах утрымліваліся каля трыццаці тысяч дзяцей, жанчын, старых людзей, трэцяя частка якіх загінула. Цяжка на словах перадаць тыя эмоцыі, што ўзнікаюць на тэрыторыі мемарыяла.

Падрабязней...