Галоўная Навіны

Дзень адчыненых дзвярэй у Мазырскім аддзеле Дэпартамента аховы

Падрабязнасці: Апублікавана 03.06.2019 06:43

22 мая 2019 года ў Мазырскім аддзеле Дэпартамента аховы МУС РБ адбылася цырымонія ўрачыстага ўручэння пасведчанняў членам добраахвотнай дружыны “Маладзёжны атрад аховы правапарадку імя А.П. Царэнкі” з ліку студэнтаў нашага ўніверсітэта.

Пасведчанні ўручаюцца за актыўны ўдзел у ахове правапарадку, прафілактыцы правапарушэнняў сярод моладзі, рэалізацыі патрыятычных акцый і праектаў ГА “БРСМ”. Таксама ў кожнага ўдзельніка мерапрыемства была магчымасць удзелу ў майстар-класе па зборы і разборы зброі, паглядзець работу кінолагаў і азнаёміцца з дзейнасцю дэпартамента.

Падрабязней...

Удзел у семінары “Даследчая дзейнасць школьнікаў” выкладчыкаў фізіка-інжынернага факультэта

Падрабязнасці: Апублікавана 03.06.2019 06:40

18 мая 2019 года Іваненка Л.А. і Аўсіюк А.М., дацэнты кафедры фізікі і матэматыкі фізіка-інжынернага факультэта УА МДПУ імя І.П. Шамякіна, прынялі ўдзел у семінары “Даследчая дзейнасць школьнікаў” на базе ДУА “Сярэдняя школа № 16 г. Мазыра”.

У сваіх выступленнях выкладчыкі расказалі пра асаблівасці арганізацыі даследчай дзейнасці навучэнцаў па матэматыцы і фізіцы. Кандыдат педагагічных навук, дацэнт кафедры фізікі і матэматыкі Л.А. Іваненка пазнаёміла з перспектыўнымі накірункамі даследчай дзейнасці школьнікаў па матэматыцы, са структурай, зместам, асаблівасцямі афармлення навуковай работы. Кандыдат фізіка-матэматычных навук, дацэнт кафедры фізікі і матэматыкі А.М. Аўсіюк расказала аб арганізацыі даследчай дзейнасці навучэнцаў пры вывучэнні фізікі. Вялікую цікавасць удзельнікаў семінара выклікала даследчая работа “Батарэйка з гародніны і садавіны”, выкананая пад яе кіраўніцтвам.

Адміністрацыя ДУА “Сярэдняя школа № 16 г. Мазыра” выказала ўдзячнасць універсітэту і факультэту, выказаўшы надзею на далейшае супрацоўніцтва.

Мерапрыемства “Свет надзеі ў тваіх руках” на базе ТЦСАН Мазырскага раёна

Падрабязнасці: Апублікавана 03.06.2019 06:36

13.05.2019 і 17.05.2019 студэнты 3 курса 2 групы факультэта фізічнай культуры ў межах вывучэння дысцыпліны “Адаптыўная фізічная культура” пад кіраўніцтвам старшага выкладчыка кафедры тэорыі і методыкі фізічнага выхавання Нічыпорка Н.М. правялі мерапрыемствы на базе аддзялення дзённага знаходжання для інвалідаў ТЦСАН Мазырскага раёна. Правядзенне падобнага тыпу мерапрыемстваў дазваляе выявіць прабелы ў ведах, набыць вопыт зносінаў з людзьмі з абмежаванымі магчымасцямі, практычны вопыт арганізацыі вольнага часу, а таксама магчымасць паспрабаваць сябе ў новай справе.

Студэнты 3 курса 2 групы падзяліліся сваёй энергіяй, навыкамі і ведамі для таго, каб дапамагчы людзям з абмежаванымі магчымасцямі. Яны вырашылі пастаўленыя задачы на “выдатна”. Студэнт-валанцёр 4 курса 3 групы факультэта фізічнай культуры Супрунчык Аляксандр дапамагаў у арганізацыі і правядзенні сустрэч.

Падрабязней...

Тыдзень, прымеркаваны да Міжнароднага дня сям’і

Падрабязнасці: Апублікавана 03.06.2019 06:31

15 мая адзначаецца Міжнародны дзень сям’і. Дадзенае свята было зацверджана Генеральнай Асамблеяй ААН 20 верасня 1993 года. Свята “Міжнародны дзень сям’і” было створана з мэтай заахвочвання ўвагі шырокай грамадскасці да праблем сям’і, якіх сёння існуе вялікая колькасць.

З 13 мая 2019 года ва ўніверсітэце стартаваў тыдзень сям’і, прымеркаваны да Міжнароднага дня сям’і. У межах тыдня служба СППС сумесна з валанцёрамі факультэтаў арганізавала акцыі “Мы супраць жорсткага абыходжання з дзяцьмі”, “Сямейнае дрэва МДПУ імя І.П. Шамякіна”, у якіх студэнты і супрацоўнікі ўніверсітэта актыўна прымалі ўдзел і не заставаліся абыякавымі. Быў арганізаваны круглы стол на тэму “Шлюб шчасцю не перашкода” з удзелам студэнтаў тэхнолага-біялагічнага факультэта і запрошаных гасцей: начальніка аддзела ЗАГС Рагімавай Н.С., доктара-акушэра-гінеколага жаночай кансультацыі Дзячэнка А.П., педагога-псіхолага ДУА “Гімназія імя Янкі Купалы” Міневіча Р.М. У інтэрнаце № 3 было праведзена мадэляванне “Сям’я, традыцыі і каштоўнасці”.

Падрабязней...

Тыдзень рускага слова

Падрабязнасці: Апублікавана 03.06.2019 06:26

16–17 мая 2019 года ў межах Тыдня рускага слова праходзіла Х Міжнародная навуковая канферэнцыя “Тэкст. Мова. Чалавек”. Пленарнае пасяджэнне, тэматычныя Круглыя сталы, секцыйныя пасяджэнні – усё прайшло на высокім навукова-метадычным узроўні.

17 мая пад кіраўніцтвам дацэнта Т.І. Татарынавай і з удзелам студэнтаў 4 курса спецыяльнасці “Руская мова і літаратура” быў прэзентаваны творчы праект “Чытаем раман “Яўген Анегін” А.С. Пушкіна “пад лінгвістычным мікраскопам””. З удзелам каманд школьнікаў, гімназістаў і ліцэістаў старшы выкладчык М.Г. Лобан правяла літаратурную квэст-гульню “Талент і загадка М.В. Гогаля”.

Падрабязней...