Галоўная Навіны

Сустрэча студэнтаў фізіка-інжынернага факультэта з намеснікам дырэктара “Andersen”

Падрабязнасці: Апублікавана 24.06.2019 13:23

29 мая 2019 года адбылася сустрэча студэнтаў фізіка-інжынернага факультэта з Крапівіным Русланам Уладзіміравічам, намеснікам дырэктара міжнароднай ІТ-кампаніі “Andersen” – рэзідэнтам Парка высокіх тэхналогій. Ён расказаў пра кампанію “Andersen” з дэманстрацыяй відэаролікаў і пра магчымасці працаўладкавання ў кампаніі. Руслан Уладзіміравіч звярнуў увагу на асаблівасці праходжання навучальных анлайн-курсаў JAVASCRIPT, якія будуць арганізаваны з 04.07.2019. Па заканчэнні сустрэчы Крапівін Руслан Уладзіміравіч адказаў на шматлікія пытанні студэнтаў.

Дадзеная сустрэча выклікала зацікаўленасць у студэнтаў універсітэта, паколькі для кожнага з іх важным вынікам навучання ва ўніверсітэце з’яўляецца не толькі атрыманне дыплома, але і паспяховае працаўладкаванне.

Падрабязней...

Рэспубліканская інфармацыйна-адукацыйная акцыя “Беларусь супраць тытуню”

Падрабязнасці: Апублікавана 24.06.2019 13:21

З 31 мая па 21 чэрвеня 2019 года ў Гомельскай вобласці праводзіцца Рэспубліканская інфармацыйна-адукацыйная акцыя “Беларусь супраць тытуню” пад дэвізам “Тытунь і здароўе лёгкіх”.

31 мая ва ўніверсітэце таксама была праведзена інфармацыйна-адукацыйная акцыя “Беларусь супраць тытуню”.

Супрацоўнікі СППС сумесна з работнікамі дзяржаўнай установы “Мазырскі занальны цэнтр гігіены і эпідэміялогіі” арганізавалі інфармацыйныя пляцоўкі: “Змяні нікацін на вітамін” і “Латэрэя – 31 мая”. Мэта дадзенага мерапрыемства – прыцягненне ўвагі моладзі і ўсведамленне рызыкі для здароўя, звязанай з выкарыстаннем тытуню, зніжэнне ўзроўню спажывання тытунёвых вырабаў, а таксама павышэнне дасведчанасці супрацоўнікаў і студэнтаў у галіне ўздзеяння выкарыстання тытуню і другаснага тытунёвага дыму на здароўе.

Падрабязней...

Новыя перспектывы супрацоўніцтва

Падрабязнасці: Апублікавана 24.06.2019 13:15

24 мая 2019 года дацэнт кафедры гісторыі і грамадазнаўчых дысцыплін Барсук Алена Яўгеньеўна прыняла ўдзел у Міжнародным навукова-метадычным семінары “Україна і Беларусь: гісторыя і сучаснасць”, які адбыўся на базе Нацыянальнага ўніверсітэта караблебудавання імя адмірала Макарава (г. Мікалаеў, Украіна).

У рабоце семінара прымалі ўдзел прадстаўнікі ўкраінскіх (Нацыянальны педагагічны ўніверсітэт імя М.П. Драгаманава, г. Кіеў, Харкаўскі нацыянальны ўніверсітэт імя В.М. Каразіна, Мікалаеўскі нацыянальны ўніверсітэт імя В.А. Сухамлінскага, Чарнаморскі нацыянальны ўніверсітэт імя Пятра Магілы, г. Мікалаеў) і беларускіх універсітэтаў (Беларускі дзяржаўны ўніверсітэт, УА “Гомельскі дзяржаўны ўніверсітэт імя Ф. Скарыны”, УА “Гомельскі дзяржаўны тэхнічны ўніверсітэт імя П. Сухога”).

Падрабязней...

Мы супраць курэння!

Падрабязнасці: Апублікавана 24.06.2019 13:13

Пад такім дэвізам прайшла адкрытая куратарская гадзіна ў 4 групе 1 курса філалагічнага факультэта спецыяльнасці “Замежныя мовы (нямецкая, англійская)”.

Пачалося мерапрыемства з тэсту “Што вы ведаеце пра курэнне?”. Прабелы ў ведах аб негатыўных выніках ужывання нікатыну былі запоўнены пасля прэзентацыі дакладаў аб гісторыі курэння тытуню і яго шкоднасці. Моцнае выхаваўчае ўздзеянне аказаў прагляд дакументальнага фільма “Цыгарэты, уся праўда” 2014 года рэжысёраў А. Дзягілева, Я. Кавалеўскага і Д. Гурава.

Напрыканцы куратарскай гадзіны была прыведзена статыстыка. За апошнія дзесяць год адзначаецца станоўчая тэндэнцыя: паказчык пастаянна зніжаецца, у тым ліку сярод моладзі. Як правіла, студэнты, якія не кураць, займаюць у сацыяльным жыцці актыўную пазіцыю: любяць спортам, наведваюць розныя секцыі, гурткі, маюць мноства рознабаковых інтарэсаў.

Куратар групы – выкладчык кафедры замежных моў і МВЗМ Грыб Ж.У.

Падрабязней...

Сустрэча з італьянскімі калегамі. Рэалізацыя праекта праграмы МОСТ

Падрабязнасці: Апублікавана 24.06.2019 13:09

28–31 мая 2019 года прарэктар па навуковай рабоце, кандыдат педагагічных навук, дацэнт Т.У. Паліева і начальнік аддзела міжнародных сувязей установы адукацыі “Мазырскі дзяржаўны педагагічны ўніверсітэт імя І.П. Шамякіна” В.А. Дубадзел наведалі Універсітэт г. Генуі (Італьянская рэспубліка). Візіт стаў магчымым дзякуючы еўрапейскай праграме мабільнасці “МОСТ” (Mobility Scheme for Targeted People-to-People-Contacts).

Універсітэт г. Генуі – адзін з самых старажытных універсітэтаў свету, заснаваны ў 1481 годзе. На сённяшні дзень ва ўніверсітэце навучаецца больш за 32000 студэнтаў. Ва ўніверсітэце таксама ажыццяўляецца падрыхтоўка педагагічных кадраў.

Падчас сустрэчы з італьянскімі калегамі (Davide Parmigiani, Associate Professor of Education, Department of Education; Guido Franco Amoretti, Ph.D., Department of Education; Nicoletta Varani, Ph.D., International Relationship Committee, Department of Education; Diana Spulber, Ph.D., Department of Education) былі ўстаноўлены прафесійныя кантакты для рэалізацыі сумесных навукова-даследчых і адукацыйных праектаў, адбылося знаёмства з міжнародным вопытам падрыхтоўкі педагагічных кадраў і інавацыйнымі тэхналогіямі выкладання ў вышэйшай школе.

Падрабязней...