Мы памятаем! Мы ганарымся!
- Падрабязнасці
- Апублікавана 19.01.2018 06:26
14 студзеня 1944 года ў ходзе Калінкавіцка-Мазырскай наступальнай аперацыі войскамі Першага Беларускага фронту пад камандаваннем генерала К.К. Ракасоўскага ад нямецка-фашысцкіх акупантаў быў вызвалены горад Мазыр.
Напярэдадні гэтай памятнай даты беларускія студэнты, а таксама студэнты з Туркменістана і Пакістана, якія пражываюць у інтэрнатах № 2 і № 3 нашага ўніверсітэта, наведалі музейны пакой баявой славы на базе ДУА “Сярэдняя школа № 16 г. Мазыра”. У ходзе захапляльнай экскурсіі, якую праводзіў кіраўнік музейнага пакоя, настаўнік гісторыі Гімбут Уладзімір Віктаравіч, студэнты не толькі ўбачылі, але і змаглі дакрануцца да прадметаў быту, амуніцыі, зброі савецкіх салдатаў, якія былі сабраны на месцах цяжкіх баёў удзельнікамі ваенна-патрыятычнага гуртка “Пошук”, даведаліся пра страты савецкай арміі і пра бітвы, якія праводзіліся ёю на подступах да горада Мазыра.