Галоўная Навіны

15 лютага – Дзень памяці воінаў-інтэрнацыяналістаў

Падрабязнасці: Апублікавана 26.02.2018 06:20

Штогадова 15 лютага, згодна з Указам Прэзідэнта Рэспублікі Беларусь ад 26 сакавіка 1998 года № 157, у нашай краіне адзначаецца Дзень памяці воінаў-інтэрнацыяналістаў.

У Афганістане з 1979 па 1989 гады праходзіла службу каля 30 тысяч ураджэнцаў Беларусі. Многія з той вайны вярнуліся моцнымі мужчынамі, іх грудзі ўпрыгожвалі ордэны і медалі, узнагароды за мужнасць, адвагу і гонар. Але многія не вярнуліся на родную зямлю: 772 воіна загінула на камяністай афганскай зямлі, 12 згінула без весткі, 718 засталося інвалідамі, а астатнія – з ранамі ў душы. Больш за 400 нашых землякоў, якія пражываюць на тэрыторыі г. Мазыра, Мазырскага раёна і блізкіх раёнаў, сталі ўдзельнікамі ваенных аперацый у Афганістане, 12 з іх загінула.

Падрабязней...

Бяспеку – у кожны дом!

Падрабязнасці: Апублікавана 20.02.2018 05:54

Адно з галоўных мерапрыемстваў па абароне насельніцтва ад надзвычайных сітуацый прыроднага і тэхнагеннага характару мірнага і ваеннага часу – яго своечасовае апавяшчэнне і інфармаванне аб узнікненні альбо пагрозе ўзнікнення якой-небудзь небяспекі. Паведаміць насельніцтву – значыць своечасова папярэдзіць яго аб небяспецы і сітуацыі, што склалася ў сувязі з гэтым, а таксама праінфармаваць пра правілы паводзінаў у гэтых умовах.

Не засталіся без увагі і студэнты УА “Мазырскі дзяржаўны педагагічны ўніверсітэт імя І.П. Шамякіна”. З 12 лютага 2018 года на базе ўсіх інтэрнатаў універсітэта адбыліся сустрэчы з інспектарамі Мазырскага ГРАНС Ніканоравай К.А. і Наканечным С.М.

Падрабязней...

Дабрачынная акцыя “Ад сэрца да сэрца”

Падрабязнасці: Апублікавана 19.02.2018 05:50

14 лютага 2018 года ў Дзень усіх закаханых у нашым універсітэце адбылася штогадовая дабрачынная акцыя “Ад сэрца да сэрца”, арганізаваная супрацоўнікамі аддзела па выхаваўчай рабоце з моладдзю сумесна з супрацоўнікамі аддзялення для дзённага знаходжання інвалідаў Тэрытарыяльнага цэнтра сацыяльнага абслугоўвання насельніцтва Мазырскага раёна. На мерапрыемстве ўсе жадаючыя маглі набыць сімвалічныя “валянцінкі”, вырабленыя людзьмі з абмежаванымі магчымасцямі, для якіх важна ведаць, што яны не чужыя ў грамадстве.

Падрабязней...

Адкрыты дыялог “Моладзь і выбары. Формула адказнасці”

Падрабязнасці: Апублікавана 19.02.2018 05:46

18 лютага 2018 года ў краіне адбудуцца выбары дэпутатаў мясцовых Саветаў дэпутатаў Рэспублікі Беларусь дваццаць восьмага склікання. Выбары – гэта важная палітычная падзея, ад вынікаў якой залежыць сацыяльны свет і стабільнасць у грамадстве.

Прымеркаваны да гэтай падзеі, 13 лютага 2018 года ва ўніверсітэце адбыўся адкрыты дыялог на тэму “Моладзь і выбары. Формула адказнасці”. У ролі спікера перад маладзёжнай аўдыторыяй выступала Казакевіч Ганна Паўлаўна – першы сакратар Мазырскай раённай арганізацыі Грамадскага аб’яднання “Беларускі рэспубліканскі саюз моладзі”, дэпутат Мазырскага раённага Савета дэпутатаў 27 склікання.

Падрабязней...

Навукова-метадычны семінар-практыкум “Шляхі павышэння эфектыўнасці арганізацыі адукацыйнага працэсу на ўроках фізікі і матэматыкі”

Падрабязнасці: Апублікавана 16.02.2018 05:38

9 лютага 2018 года кафедрай фізікі і матэматыкі сумесна з ДУА “Гімназія г. Калінкавічы” быў праведзены навукова-метадычны семінар-практыкум “Шляхі павышэння эфектыўнасці арганізацыі адукацыйнага працэсу на ўроках фізікі і матэматыкі”. Семінар праведзены ў рамках работы філіяла кафедры фізікі і матэматыкі. Мэта семінара – удасканальванне прафесійнага ўзроўню педагогаў па павышэнні якасці фізічнай і матэматычнай адукацыі, эфектыўнасці арганізацыі адукацыйнага працэсу па фізіцы і матэматыцы.

Семінар адкрыў загадчык кафедры фізікі і матэматыкі, прафесар Савенка Уладзімір Сямёнавіч, які расказаў пра вынікі работы ІІ з’езду вучоных Рэспублікі Беларусь і перспектывах супрацоўніцтва школы і вну. Асноўную ўвагу ў сваім выступленні ён аддаў праблеме арганізацыі працэсу навучання творчых навучэнцаў, іх падрыхтоўцы да алімпіяд па фізіцы і матэматыцы рознага ўзроўню, да ўдзелу школьнікаў у навукова-практычнай канферэнцыі “Пошук”, у Рэспубліканскіх турнірах юных фізікаў і матэматыкаў.

Падрабязней...