Галоўная Навіны

Інфармацыйная сустрэча “Выкананне антыкарупцыйнага заканадаўства”

25 красавіка ва ўніверсітэце адбылася сустрэча працоўнага калектыву і студэнцкага актыву з намеснікам пракурора Мазырскага раёна, малодшым саветнікам юстыцыі Шапаравай Юліяй Уладзіміраўнай.

У межах дадзенай сустрэчы гаварылася пра тое, што ў Рэспубліцы Беларусь створана эфектыўная заканадаўчая база па барацьбе з карупцыяй ва ўсіх сферах жыццядзейнасці грамадства.

Шапарава Ю.У. асвятліла асноўныя палажэнні Закона Рэспублікі Беларусь аб барацьбе з карупцыяй, адказала на пытанні прысутных у зале.

Падрабязней...

У МДПУ выбралі “Міс Універсітэт – 2019”

25 красавіка ў Палацы культуры “Будаўнік” адбылася яркая падзея гэтай вясны – конкурс прыгажосці і грацыі “Міс Універсітэт – 2019”.

За права насіць карону пераможцы змагаліся 5 таленавітых і артыстычных дзяўчат універсітэта – Прылуцкая Кацярына (фізіка-інжынерны факультэт), Ляшэнка Ірына (факультэт фізічнай культуры), Дулуб Марыя (факультэт дашкольнай і пачатковай адукацыі), Андрэева Анастасія (філалагічны факультэт), Ангеліна Тысевіч (тэхнолага-біялагічны факультэт).

У сетцы інтэрнэт праходзіла адкрытае галасаванне за званне “Міс Анлайн”. Па выніках галасавання тытул “Міс Анлайн” атрымала Анастасія Андрэева.

Падрабязней...

Кабінет кітаязнаўства

Ва ўмовах імклівага росту фінансава-эканамічнага і навукова-культурнага ўплыву Кітайскай Народнай Рэспублікі ў сучасным свеце ўсходні накірунак міжнароднай дзейнасці УА МДПУ імя І.П. Шамякіна набывае прыярытэтны характар. Актывізуюцца прамыя кантакты з адукацыйнымі і навуковымі ўстановамі Кітая. Важным крокам у дадзеным накірунку стане адкрыццё Кабінета кітаязнаўства.

30 красавіка 2019 года прарэктар па навуковай рабоце Паліева Таццяна Уладзіславаўна і начальнік аддзела міжнародных сувязей Дубадзел Вольга Аляксандраўна наведалі Інстытут Канфуцыя пры ўстанове адукацыі “Гомельскі дзяржаўны ўніверсітэт імя Ф. Скарыны” з мэтай абмеркавання заключэння Дагавора аб супрацоўніцтве і канкрэтных пытанняў стварэння і перспектыў развіцця Кабінета кітаязнаўства ў Мазырскім дзяржаўным педагагічным універсітэце імя І.П. Шамякіна. Мэтай работы кабінета будзе папулярызацыя кітайскай мовы і культуры ў нашым рэгіёне і ўмацаванні сяброўства паміж народамі Рэспублікі Беларусь і Кітайскай Народнай Рэспублікі.

Падрабязней...

Інфармацыйная сустрэча “Асновы бяспекі жыццядзейнасці”

24 красавіка ва ўніверсітэце адбылася сустрэча працоўнага калектыву з намеснікам начальніка аддзела па ідэалагічнай рабоце і кадравым забеспячэнні Мазырскага ГРАНС Тарасавым Аляксеем Канстанцінавічам.

Размова мела прафілактычны характар: выступленне было прысвечана тэме папярэджання пажараў і пагібелі людзей ад іх, папярэджання выпадвання з вокнаў непаўналетніх дзяцей.

Напрыканцы выступлення нам. начальніка Мазырскага ГРАНС адказаў на ўсе пытанні, якія ўзніклі ў прысутных падчас правядзення сустрэчы.

Падрабязней...

Семінар-практыкум “Школьны булінг: прычыны ўзнікнення і арганізацыя прафілактычнай работы ва ўстановах агульнай сярэдняй адукацыі” на факультэце ДіПА

24 красавіка 2019 года на факультэце дашкольнай і пачатковай адукацыі ў межах Тыдня студэнцкай навукі для студэнтаў, якія навучаюцца па спецыяльнасці “Сацыяльная работа (сацыяльна-педагагічная дзейнасць)” адбыўся семінар-практыкум “Школьны булінг: прычыны ўзнікнення і арганізацыя прафілактычнай работы ва ўстановах агульнай сярэдняй адукацыі”. Арганізавала і правяла дадзенае мерапрыемства кіраўнік студэнцкага гуртка “Актуальныя праблемы псіхалогіі”, дацэнт кафедры педагогікі і псіхалогіі, к.п.н., дацэнт Калеснічэнка Алена Аляксееўна. У ходзе правядзення семінара-практыкуму былі абмеркаваны такія праблемы, як распаўсюджанасць і прычыны школьнага булінгу ў сучасным адукацыйным асяродку, перадавы замежны (скандынаўскі) вопыт прафілактычнай работы з дзецьмі, якія сталі ахвярамі гвалту і цкавання з боку аднагодкаў у дзіцячых калектывах, індывідуальна-псіхалагічныя асаблівасці ахвяр школьнага булінгу і саміх булераў.