Галоўная

Навіны

“Новы год і Каляды – час любові і дабрыні”

Штогадова напярэдадні зімовых святаў праходзіць Рэспубліканская дабрачынная навагодняя акцыя “Нашы дзеці”, дзякуючы якой ні адно дзіця нашай краіны не застаецца без увагі. У гэтым годзе асаблівая ўвага была аддадзена падлеткам, якія апынуліся ў складанай жыццёвай сітуацыі, выхаванцам школ-інтэрнатаў, дзецям са шматдзетных, апекунскіх, прыёмных сем’яў, дзецям-інвалідам.

26 снежня 2018 года студэнты нашага ўніверсітэта наведалі УА “Петрыкаўскае дзяржаўнае прафесійна-тэхнічнае вучылішча закрытага тыпу № 1 лёгкай прамысловасці” з навагодняй праграмай. Студэнты падарылі дзяўчатам-падлеткам не толькі цудоўны навагодні настрой, мора станоўчых эмоцый, але і салодкія падарункі, якія былі прадастаўлены першаснай прафсаюзнай арганізацыяй студэнтаў універсітэта.

Падрабязней...

Рэспубліканскі навагодні баль для моладзі ў Палацы Незалежнасці

02-3     28 снежня ў Мінску ў Палацы Незалежнасці адбыўся Рэспубліканскі навагодні баль з удзелам Прэзідэнта Рэспублікі Беларусь Аляксандра Рыгоравіча Лукашэнка. У ім прынялі ўдзел лепшыя студэнты вну краіны: пераможцы алімпіяд і конкурсаў, лаўрэаты спецыяльных фондаў Прэзідэнта Рэспублікі Беларусь, выдатнікі вучобы, актывісты маладзёжных арганізацый. Амаль 300 студэнтаў і старшакласнікаў, якія дасягнулі асаблівых поспехаў у вучобе, творчасці і спорце, навуковай і грамадскай дзейнасці.

У ліку самых лепшых і 4 студэнты нашага ўніверсітэта: Маскальчук Аліна (фізіка-інжынерны факультэт), Катрук Ксенія (філалагічны факультэт), Пахыла Таццяна (тэхнолага-біялагічны факультэт), Далянчук Пётр (факультэт фізічнай культуры).

Галоўнай асаблівасцю балю стала тое, што ў Беларусі ўпершыню на афіцыйным узроўні праводзяць навагодні баль у яго класічнай форме, узгадваюць і адраджаюць прыгожую традыцыю мінулых дзён.

Падрабязней...

Віншуем А.С. Астрэйка, дацэнта кафедры педагогікі і псіхалогіі факультэта дашкольнай і пачатковай адукацыі, з перамогай у Рэспубліканскім конкурсе метадычных стартапаў!

28-1-1          Падведзены вынікі Рэспубліканскага конкурсу метадычных стартапаў “Інтэрактыўныя метады і прыёмы ў метадычнай рабоце”, які праходзіў з верасня па снежань 2018 года.

Дыпломам пераможцы ўзнагароджана каманда стартапа “Акадэмія педагагічных інавацый”.

Конкурс быў арганізаваны ў адпаведнасці з Рэспубліканскім каардынацыйным планам мерапрыемстваў дадатковай адукацыі педагогаў на 2018 год у дзяржаўнай установе адукацыі “Акадэмія паслядыпломнай адукацыі”.

Падрабязней...

Інфармацыйная сустрэча старшыні Мазырскага раённага Савета дэпутатаў з працоўным калектывам і студэнтамі ўніверсітэта

26-1-1

20 снежня 2018 ва УА МДПУ імя І.П. Шамякіна адбылася інфармацыйная сустрэча старшыні Мазырскага раённага Савета дэпутатаў Назаранка Валянціны Аляксееўны з працоўным калектывам і студэнтамі ўніверсітэта.

На сустрэчы былі асветлены пытанні сацыяльна-эканамічнага развіцця Мазырскага раёна. Перад прысутнымі выступілі таксама начальнік аддзела жыллёва-камунальнай гаспадаркі Мазырскага райвыканкама Мілер Д.В., загадчык Мазырскай гарадской паліклінікі № 2 Несцярэня І.Ю., начальнік аддзела адукацыі, спорту і турызму Мазырскага райвыканкама Клепчукова Л.С.

Падрабязней...

Раённы дзень рэзервіста “Кадравы патэнцыял і яго ўплыў на эфектыўнасць дзейнасці прамысловага прадпрыемства”

У Мазыры 20 снежня 2018 года прайшоў раённы дзень рэзервіста, у якім прынялі ўдзел і студэнты нашага ўніверсітэта, якія знаходзяцца ў кадравым рэзерве. Тэма сустрэчы – “Кадравы патэнцыял і яго ўплыў на эфектыўнасць дзейнасці прамысловага прадпрыемства” – вызначыла месца правядзення.

Сустракалі рэзервістаў на ААТ “Мазырсоль”. Удзел у семінары прынялі старшыня Мазырскага раённага выканаўчага камітэта Алена Паўлечка, генеральны дырэктар ААТ “Мазырсоль” Артур Галімаў, галоўны спецыяліст аддзела арганізацыйнай работы галоўнага ўпраўлення арганізацыйна-кадравай работы Гомельскага аблвыканкама Сверж Наталля, асобы, якія знаходзяцца ў рэзерве кіраўнічых кадраў Мазырскага райвыканкама. На сённяшні дзень у перспектыўным кадравым рэзерве Мазырскага райвыканкама знаходзіцца 127 чалавек. Трое студэнтаў нашага ўніверсітэта – Мішура Дыяна, Кудлач Юлія, Жук Марына – таксама з’яўляюцца рэзервістамі і прымаюць актыўны ўдзел ва ўсіх мерапрыемствах.

Падрабязней...

Дадатковая інфармацыя