Навіны
Да навучання – праз навуку
19 красавіка 2019 года адбыўся ІІ Палескі адукацыйны і навуковы форум, прысвечаны 75-годдзю УА МДПУ імя І.П. Шамякіна. У ім прыняло ўдзел больш за 170 навучэнцаў і 100 педагогаў з устаноў адукацыі Гомельскай і Мінскай абласцей. Мэта форума – папулярызацыя даследчых, навуковых і метадычных дасягненняў, развіццё прафесійнай дзейнасці педагогаў Палескага рэгіёна, спрыянне забеспячэнню пераемнасці ўсіх ступеняў адукацыі.
Асновы бяспекі жыццядзейнасці
Праблема бяспекі жыццядзейнасці чалавека ў сучасных умовах – адна з самых актуальных.
У сувязі з гэтым на базе інтэрната № 1 адбылася інфармацыйная сустрэча са старшым інспектарам ДПС АГАІ Мазырскага РАУС Дзеркачом Д.М., які расказаў пра пагібель і траўматызм пешаходаў на дарогах Гомельскай вобласці, паколькі дадзеная праблема застаецца актуальнай. У апошні час павялічылася колькасць наездаў на пешаходаў і, як паказвае аналіз дарожна-транспартных здарэнняў, дадзены від ДТП з’яўляецца самым распаўсюджаным відам.
Бяспечнае дзяцінства
4 красавіка 2019 года кафедрай педагогікі і псіхалогіі сумесна з аддзелам адукацыі Мазырскага райвыканкама праведзены абласны семінар-практыкум “Сучасныя тэхналогіі фарміравання бяспечных паводзінаў і папярэджання траўматызму ва ўмовах кластарнага ўзаемадзеяння: установа дашкольнай адукацыі – установа агульнай сярэдняй адукацыі – універсітэт”.
Мэтавая аўдыторыя: спецыялісты ўстаноў дашкольнай адукацыі, настаўнікі ЗБЖ школ г. Мазыра, выкладчыкі ўніверсітэта, аспіранты, магістранты, студэнты, слухачы ФПК і ПК, прадстаўнікі МНС, ТВВОДу. Была прадстаўлена выстава дыдактычных дапаможнікаў і гульнёвых модуляў, прэзентаваны матэрыялы прызёраў раённага фестывалю “Бяспечнае дзяцінства”.
Прафарыентацыйная сустрэча ў ДУА “Гімназія імя Янкі Купалы”
Адным з важных накірункаў дзейнасці кафедры педагогікі і псіхалогіі з’яўляецца прафарыентацыйная работа.
4 красавіка на базе філіяла кафедры ў ДУА “Гімназія імя Янкі Купалы” адбылася прафарыентацыйная сустрэча з навучэнцамі 9 класаў. Арганізатарамі мерапрыемства выступілі: загадчык кафедры педагогікі і псіхалогіі, кандыдат педагагічных навук, дацэнт І.У. Журлова, загадчык філіяла кафедры, кандыдат філалагічных навук, дацэнт С. І. Жураўлёва, загадчык філіяла кафедры, кандыдат педагагічных навук, дацэнт А.С. Астрэйка, старшыя выкладчыкі кафедры педагогікі і псіхалогіі І.А. Карповіч, А.П. Пазняк, Л.В. Цалка, А.П. Дыгун.
Педагагічная віктарына аб’яднала школьнікаў, студэнтаў, педагогаў і бацькоў
У межах універсітэцкага Дня адчыненых дзвярэй, які адбыўся ва УА МДПУ імя І.П. Шамякіна 30.03.2019, а таксама Дня адчыненых дзвярэй, арганізаванага 06.04.2019 факультэтам дашкольнай і пачатковай адукацыі для будучых абітурыентаў, кафедрай педагогікі і псіхалогіі было падрыхтавана для выпускнікоў школ мерапрыемства ў гульнёвай форме “Педагагічная віктарына”, у якім прынялі ўдзел не толькі будучыя абітурыенты факультэта, але і іх педагогі, і бацькі, а таксама студэнты спецыяльнасцей “Лагапедыя”, “Пачатковая адукацыя”, “Дашкольная адукацыя”.
