2 лютага 2016 года на базе ДУА “Козенская сярэдняя школа Мазырскага раёна” адбылося пасяджэнне раённага рэсурснага цэнтра па прафарыентацыйнай рабоце, на якім прысутнічалі прадстаўнікі ўсіх устаноў агульнай сярэдняй адукацыі горада Мазыра і Мазырскага раёна, якія курыруюць пытанні прафесійнай арыентацыі школьнікаў, а таксама навучэнцы 11 класаў Козенскай СШ.
9 лютага адзначае юбілей дацэнт кафедры беларускай і рускай філалогіі Нуждзіна Тамара Сяргееўна!
У гэты святочны дзень сардэчна і шчыра віншуем Вас з цудоўнай і знамянальнай датай – Вашым юбілеем!
Ваш высокі прафесіяналізм, адданасць настаўніцкай справе, духоўнае багацце, актыўная пазіцыя выклікаюць заслужанае прызнанне і павагу сяброў, калег, студэнтаў, педагагічнай грамадскасці горада і рэспублікі. Вы – прызнаны вучоны, таленавіты педагог – сталі Настаўнікам і для нас. Мы паважаем, любім і цэнім Вас за шчодрасць душы, мудрасць, інтэлігентнасць, разуменне. Мы ўдзячныя лёсу, што Вы ёсць! Мы вучымся ў Вас адносінам да жыцця, да справы, да людзей, да сябе. Мы ганарымся і захапляемся Вашым нястомным імкненнем да ўсяго новага і гатоўнасцю дзяліцца сваім вопытам, творчасцю, ведамі з іншымі.
Шчыра жадаем Вам моцнага здароўя, шчасця, аптымізму, цеплыні, увагі і многа юбілеяў у перспектыве!
З павагай выкладчыкі, супрацоўнікі і студэнты філалагічнага факультэта!
28 студзеня 2016 года на базе вучэбнага корпуса № 3 УА МДПУ імя І.П. Шамякіна адбыўся навукова-метадычны семінар “Інклюзіўныя тэндэнцыі ў сістэме спецыяльнай адукацыі”, падрыхтаваны кафедрай практычнай псіхалогіі і дэфекталогіі.
У рабоце семінара прынялі ўдзел адміністрацыя і слухачы факультэта павышэння кваліфікацыі і перападрыхтоўкі кадраў, выкладчыкі і студэнты факультэта дашкольнай і пачатковай адукацыі.
Установа адукацыі “Мазырскі дзяржаўны педагагічны ўніверсітэт імя І.П. Шамякіна” інфармуе аб адкрыцці спецыяльнасці 1-09 81 01 “Адукацыйны менеджмент”, якая рэалізуе адукацыйную праграму ІІ ступені вышэйшай адукацыі з паглыбленай падрыхтоўкай спецыяліста і якая забяспечвае атрыманне ступені “Магістр адукацыі”. Дадзеная спецыяльнасць накіравана на падрыхтоўку высокакваліфікаваных спецыялістаў кіраўнічага звяна для ўстаноў дашкольнай, агульнай сярэдняй, прафесійна-тэхнічнай, сярэдняй спецыяльнай і дадатковай адукацыі. У 2016 годзе будзе ажыццяўляцца набор на дзённую і завочную формы атрымання адукацыі за кошт сродкаў рэспубліканскага бюджэта і на платнай аснове.
29–30 студзеня 2016 года на базе ўстановы адукацыі “Баранавіцкі дзяржаўны ўніверсітэт” адбылося рэспубліканскае свята “Баранавічы – маладзёжная сталіца”. Праграма свята ўключала ў сябе выставу “Свет творчасці дзяцей і моладзі”, старт рэспубліканскага грамадзянска-патрыятычнага праекта “Збяры Беларусь у сваім сэрцы”, рэспубліканскі студэнцкі форум “Моладзь – надзея і будучыня Беларусі” і інш.
Версія для слабавідушчых 
