У аўторак 27.06.2017 у 14.00 у 424 аўд. на кафедры тэарэтычнай фізікі і прыкладной інфарматыкі фізіка-інжынернага факультэта адбыўся семінар доктара фізіка-матэматычных навук, прафесара Георгія Сямёнавіча Міцюрыча на тэму “Фотаакустычная спектраскапія і тэрмааптычнае ўзбуджэнне гука бясселевымі светлавымі пучкамі”.

На семінары ў храналагічным парадку былі выкладзены этапы развіцця фотаакустыкі, яе сучасны стан і далейшыя перспектывы практычнага выкарыстання. Акцэнтавана асаблівая ўвага на магчымасці фотаакустычнага пераўтварэння бясселевых светлавых пучкоў для эндаскапічнай дыягностыкі злаякасных пухлін. Адзначаны ўклад Г.С. Міцюрыча і яго вучняў у развіццё фотаакустыкі. У семінары прынялі ўдзел студэнты, магістранты, аспіранты і выкладчыкі факультэта.

23 чэрвеня ў Мінску ў Палацы Незалежнасці адбыўся Рэспубліканскі баль выпускнікоў устаноў вышэйшай адукацыі з удзелам Прэзідэнта Рэспублікі Беларусь Аляксандра Рыгоравіча Лукашэнка. У ім прынялі ўдзел лепшыя студэнты вну краіны: пераможцы алімпіяд і конкурсаў, лаўрэаты спецыяльных фондаў Прэзідэнта Рэспублікі Беларусь, выдатнікі вучобы, актывісты маладзёжных арганізацый. 226 выпускнікоў з 51 вну краіны пачулі пажаданні ад Кіраўніка дзяржавы і развіталіся са студэнцкім жыццём.

На філалагічным факультэце ў рамках правядзення Тыдня рускага слова і ІХ Міжнароднай навуковай канферэнцыі “Тэкст. Мова. Чалавек” адбылася творчая сустрэча з Заслужаным артыстам Расійскай Федэрацыі, акторам тэатра і кіно Сяргеем Валянцінавічам Калеснікавым.

Шчырымі апладысментамі гледачы сустрэлі таленавітага артыста.

Для школьнікаў летняга аздараўляльнага лагера пры Цэнтры тэхнічнай творчасці дзяцей і падлеткаў кафедрай тэарэтычнай фізікі і прыкладной матэматыкі УА МДПУ імя І.П. Шамякіна была арганізавана сустрэча з прафесарам В.В. Шапялевічам на тэму “Галаграфія і эксперыментальныя задачы”. В.В. Шапялевіч расказаў школьнікам пра асаблівасці прафесіі настаўніка фізікі і інфарматыкі. У лабараторыі камп’ютарнага мадэлявання і тэхнічных сродкаў навучання была разгорнута невялікая экспазіцыя галаграм і захапляльных эксперыментальных задач. Дзеці з захапленнем выслухалі лекцыю пра адрозненні галаграфіі ад фотаздымка, паглядзелі галаграмы.