У красавіку 2017 г. на базе ўстановы адукацыі “Гімназія імя Я. Купалы” адкрыты філіял кафедры педагогікі і псіхалогіі.
Філіял – гэта навукова-метадычная база тэхнолага-біялагічнага факультэта УА МДПУ імя І.П. Шамякіна і ДУА “Гімназія імя Я. Купалы”. Ён створаны для павышэння якасці прафесійнай падрыхтоўкі будучых спецыялістаў, рэалізацыі сумесных даследчых праектаў, правядзення сумесных мерапрыемстваў.
3 мая 2017 года студэнты УА “Мазырскі дзяржаўны педагагічны ўніверсітэт імя І.П. Шамякіна” прынялі ўдзел у акцыі самаахвотнага донарства, якая прайшла на базе станцыі пералівання крыві г. Мазыра. У гэтым годзе адбылася ўнікальная акцыя, паколькі ўдзел у ёй прынялі толькі студэнты-першакурснікі. Шэрагі самаахвотных донараў нашага ўніверсітэта папоўнілі 22 навучэнцы, якія ўпершыню ў гэты дзень выканалі гуманную місію ў імя выратавання хворых альбо тых, хто перажыў катастрофы, нованароджаных альбо будучых маці. Кроў – гэта самае каштоўнае з таго, што чалавек можа даць іншаму чалавеку, гэта дар жыцця.
Выказваем удзячнасць усім, хто не застаўся абыякавым і прыняў удзел у акцыі!
З 05 па 10 мая 2017 года ва УА “Мазырскі дзяржаўны педагагічны ўніверсітэт імя І.П. Шамякіна” адбыліся ўрачыстыя мерапрыемствы, прымеркаваныя да 72-й гадавіны Перамогі савецкага народа ў Вялікай Айчыннай вайне.
Поэт в России – больше, чем поэт.
В ней суждено поэтами рождаться
лишь тем, в ком бродит гордый дух гражданства,
кому уюта нет, покоя нет.
Яркай падзеяй для студэнтаў філфака і навучэнцаў педагагічных класаў школ Палескага рэгіёна стала літаратурная гасціная ««Поэт в России – больше, чем поэт…»: памяці Яўгена Яўтушэнкі прысвячаецца».
27 красавіка 2017 г. у рамках ХХІV Міжнароднай студэнцкай навукова-практычнай канферэнцыі “Ад ідэі – да інавацыі” кафедрай педагогікі і псіхалогіі сумесна з Гомельскім абласным інстытутам развіцця адукацыі быў арганізаваны і праведзены заключны этап конкурсу “Хачу быць педагогам” для навучэнцаў педагагічных класаў і педагагічных груп. У якасці гасцей наш універсітэт разам са сваімі педагогамі наведалі вучні профільных класаў (груп) практычна з усіх раёнаў Гомельскай вобласці (Буда-Кашалёўскага, Ельскага, Калінкавіцкага, Лельчыцкага, Мазырскага, Петрыкаўскага, Рагачоўскага, Светлагорскага, Хойніцкага, Жыткавіцкага, Брагінскага, Кармянскага і горада Гомеля).
Версія для слабавідушчых 
