30 кастрычніка 2018 г. на факультэце фізічнай культуры адбыўся І-ы этап фестывалю-конкурсу “Кубак першакурсніка – 2018”.
Асноўнымі мэтамі конкурсу з’яўляюцца:
– развіццё стваральнай актыўнасці студэнцкай моладзі;
– стварэнне ўмоў для творчай рэалізацыі студэнтаў;
– аб’яднанне калектыву, знаёмства са студэнцкім жыццём і заахвочванне моладзі да грамадскага жыцця.
30.10.2018 г. студэнты-валанцёры факультэта фізічнай культуры пад кіраўніцтвам намесніка дэкана па выхаваўчай рабоце Нічыпорка Н.М. правялі мерапрыемства на базе аддзялення дзённага знаходжання для інвалідаў ТЦСАН Мазырскага раёна.
Валанцёрства ўвасабляе ў жыццё самыя высакародныя памкненні чалавека. Студэнты-валанцёры аддавалі свой час, веды і навыкі для таго, каб дапамагчы іншым людзям. Як адзначылі Дрык Анастасія, Пугач Андрэй, Верамеева Кацярына, Парфёнаў Уладзімір, удзел у валанцёрскай дзейнасці дае магчымасць адчуць, што ты некаму патрэбны, паспрабаваць сябе ў новай справе, паказаць, што ты неабыякавы да праблем іншых людзей.
2 лістапада 2018 года адбыўся ўніверсітэцкі этап Рэспубліканскага конкурсу “Студэнт года – 2018”.
У спаборніцтвах за гэтае ганаровае званне прынялі ўдзел лепшыя прадстаўнікі пяці факультэтаў універсітэта: Марына Гара (факультэт фізічнай культуры), Таццяна Пахыла (тэхнолага-біялагічны факультэт), Ганна Палын (фізіка-інжынерны факультэт), Ксенія Катрук (філалагічны факультэт) і Аляксандра Драч (факультэт дашкольнай і пачатковай адукацыі).
Усе яны – выдатнікі вучобы, актыўныя ўдзельнікі грамадскага жыцця, што дасягнулі пэўных поспехаў у навукова-даследчай і выхаваўчай дзейнасці.
На тэхнолага-біялагічным факультэце 23 кастрычніка 2018 года адбыўся І этап конкурсу “Кубак першакурсніка – 2018”. Студэнты першага курса з нецярплівасцю чакалі гэтага дня, калі можна паказаць сябе і выявіць свае таленты, а таксама проста атрымаць асалоду ад святочнай праграмы, падрыхтаванай пад кіраўніцтвам студэнтаў старэйшых курсаў.
Кожная з чатырох каманд факультэта была па-свойму арыгінальнай і здолела па-сапраўднаму здзівіць прысутных. Так, каманда “ГТО” (спецыяльнасць “Біялогія (навукова-педагагічная дзейнасць)”) захапіла ўвагу сваім яркім танцам і пазітыўным відэаролікам аб тым, як праходзіла падрыхтоўка да конкурсу.
22 кастрычніка напрыканцы пераддыпломнай практыкі студэнтаў філалагічнага факультэта спецыяльнасцей “Руская мова і літаратура”, “Беларуская мова і літаратура” адбылося сумеснае пасяджэнне метадычнага аб’яднання настаўнікаў-філолагаў ДУА “Сярэдняя школа № 1 г. Мазыра” і выкладчыкаў кафедры беларускай і рускай філалогіі. Абмяркоўваліся вынікі сумеснай работы ў перыяд практыкі і шляхі далейшага ўдасканальвання ўзаемадзеяння “вну – школа”.
Было адзначана, што студэнты-філолагі добра падрыхтаваны ў тэарэтычным плане і валодаюць усімі метадычнымі ведамі, неабходнымі для далейшай плённай творчай працы ў школе.
Версія для слабавідушчых 
