Галоўная Навіны

Выдадзены новы дапаможнік з грыфам ВМА па педагагічнай адукацыі

Падрабязнасці: Апублікавана 24.09.2015 06:43

У верасні 2015 года на кафедры методыкі тэхналагічнай адукацыі (МТА) выйшла ў свет выданне з грыфам ВМА па педагагічнай адукацыі, рэкамендаванае ў якасці практыкума для студэнтаў устаноў вышэйшай адукацыі, якія навучаюцца па спецыяльнасцях 1-02 06 01 “Тэхнічная праца і прадпрымальніцтва”, 1-02 06 03 “Тэхнічная праца і тэхнічная творчасць”.

Вынікам плённай працы старшага выкладчыка Гладкага Сяргея Мікалаевіча з’явіўся выдадзены на пачатку 2015–2016 навучальнага года практыкум па прафіліруючай дысцыпліне кафедры МТА, якая выносіцца на дзяржаўныя экзамены: “Тэхналогія апрацоўкі металаў”.

ЖАДАЕМ ПОСПЕХАЎ У ДАЛЕЙШАЙ ВЫДАВЕЦКАЙ ДЗЕЙНАСЦІ!!!

Падрабязней...

Інтэрнет-конкурс “Радзіма вачыма студэнтаў”

Падрабязнасці: Апублікавана 23.09.2015 17:24

konkurs-5 Рэспубліканскі інтэрнет-конкурс патрыятычнага фота і відэа “Радзіма вачыма студэнтаў” адбудзецца ў Беларусі з 26 верасня па 7 кастрычніка 2015 года.

Згодна з умовамі творчага спаборніцтва, усе фота- і відэаработы павінны быць грамадзянска-патрыятычнай накіраванасці. Кожная ўстанова адукацыі па рашэнні органаў студэнцкага самакіравання мае права накіраваць толькі адну работу (фота і відэа) па кожнай з намінацый. Даўжыня відэароліка не павінна перабольшваць 5 хвілін.

Пераможцаў вызначаць праз сацыяльныя сеткі ў наступных намінацыях: “Мой выбар – мая Беларусь”, “Кім я стану, кім мне быць, каб Радзіме паслужыць”, “Міру – мір!”, “Люблю цябе, мой родны вуз!”. Аўтары лепшых работ будуць узнагароджаны дыпломамі ўдзельніка і памятнымі падарункамі.

Палажэнне аб конкурсе

Віншуем!

Падрабязнасці: Апублікавана 23.09.2015 09:57

Гардынская Наталля Мікалаеўна, трэнер па каратэ, за шматгадовую добрасумленную працу ў сістэме спорту, высокі прафесіяналізм, дасягненне максімальна высокіх вынікаў узнагароджана Ганаровай Граматай Мазырскага раённага выканаўчага камітэта; iljuk

на ўшанаванні лепшых спартсменаў горада Ільюк Мікалай, студэнт 1 курса факультэта фізічнай культуры нашага ўніверсітэта, за высокія спартыўныя дасягненні ўзнагароджаны Ганаровай граматай аддзела адукацыі, спорту і турызму Мазырскага раённага выканаўчага камітэта.

Падрабязней...

Маладосць – лепшы час для рэалізацыі магчымасцей!

Падрабязнасці: Апублікавана 22.09.2015 19:52

21 верасня 2015 года старшыня Гомельскага аблвыканкама Уладзімір Андрэевіч Дворнік правёў сустрэчу з прафесарска-выкладчыцкім складам і студэнцкім актывам вобласці ў якасці даверанай асобы кандыдата ў прэзідэнты Аляксандра Лукашэнка. На сустрэчы прысутнічалі прадстаўнікі і нашага ўніверсітэта: рэктар Валянцін Васільевіч Валетаў, член Савета Рэспублікі Нацыянальнага сходу Рэспублікі Беларусь Ірына Мікалаеўна Кралевіч, прарэктары, дэканы, супрацоўнікі і студэнты ўсіх факультэтаў УА МДПУ імя І.П. Шамякіна.

Падрабязней...

Дагавор аб супрацоўніцтве

Падрабязнасці: Апублікавана 22.09.2015 19:39

29-05-16 15 верасня 2015 года заключаны Дагавор аб супрацоўніцтве паміж кафедрай англійскай мовы і МВЗМ УА МДПУ імя І.П. Шамякіна і адміністрацыяй школы Норвік з Галандыі.

Нагадаем, што ў маі 2015 г. адбылася сустрэча выкладчыкаў і студэнтаў з настаўнікамі і вучнямі школы Норвік. Тады на сустрэчу ва УА МДПУ прыехала звыш 20 чалавек.

Праграма сустрэчы ўключала майстар-класы, праведзеныя галандскімі настаўнікамі, фрагменты заняткаў выкладчыкаў кафедры. Адбыўся карысны прафесійны абмен думкамі па пытаннях выкладання англійскай мовы, арганізацыі педагагічнага ўзаемадзеяння, выкарыстання прыёмаў групавой і парнай работы і тэхналогіі вучэбнага супрацоўніцтва на ўроках. На майстар-класах прысутнічалі студэнты 4 курса, якія таксама ўдзельнічалі ў метадычным аналізе праведзеных заняткаў.

Падрабязней...