9 жніўня 2013 года на пасаду Першага сакратара Гомельскага абласнога камітэта Грамадскага аб'яднання «Беларускі рэспубліканскі саюз моладзі» абраны Звёздкін Мікалай Міхайлавіч.
З 5 жніўня па 20 верасня першасная арганізацыя ГА «БРСМ» праводзіць акцыю
«У школу з «ДОБРЫМ СЭРЦАМ».
Мэта акцыі - збор канцылярскіх і спартыўных тавараў, школьнай формы для сем'яў, якія зведалі цяжкасці пры падрыхтоўцы дзяцей да навучальнага года.
Мы не абыякавыя да дзіцячых лёсаў, да клопатаў шматдзетных сем'яў, да дзяцей з абмежаванымі магчымасцямі, што ідуць у гэтым годзе ў 1 клас.
Падрабязную інфармацыю аб правядзенні акцыі можна атрымаць у сакратара ПА ГА «БРСМ» Матвеевай С.В. (галоўны корпус універсітэта, каб. 201, тэл. 32 43 25).
XX рэспубліканскі фестываль друкаванага слова і культуры ў 2013 годзе прыме старажытны горад Быхаў у Магілёўскай вобласці.
Дзень беларускага пісьменства традыцыйна праводзіцца ў гістарычных і культурных цэнтрах краіны. Упершыню, у 1994 годзе, святочныя мерапрыемствы прайшлі ў старажытным горадзе Полацку. У розныя гады фестываль прымалі Тураў, Навагрудак, Нясвіж, Орша, Пінск, Заслаўе, Мсціслаў, Мір і іншыя. Канцэпцыя свята – адлюстраванне гістарычнага шляху пісьменства і друку ў Беларусі, а таксама - адзінства друкаванага слова і культуры народа.
1025-годдзе Хрышчэння Русі - гэта дата, якая мае вялікае значэнне для народаў Беларусі, Расіі, Украіны і для ўсіх краін гістарычнай Русі. З гэтага дня пачаўся адлік нашай свяшчэннай гісторыі.
У межах акцыі «Аднаўленне святынь Беларусі» актывісты Беларускага рэспубліканскага саюза моладзі возьмуць удзел у работах па рэканструкцыі праваслаўных храмаў.
З мэтай прыцягнення моладзі да вырашэння задач сацыяльна-эканамічнага развіцця рэспублікі і стымулявання грамадзянскіх ініцыятыў ва УА МДПУ імя І.П. Шамякіна быў праведзены ўнутрыўніверсітэцкі этап рэспубліканскага праекта ГА «БРСМ» "100 ідэй для Беларусі".
Версія для слабавідушчых 
