У Мазырскім дзяржаўным педагагічным універсітэце ў рамках адзначэння туркменскага нацыянальнага свята “Наўруз” адбыліся мерапрыемствы рознага характару.
На фізіка-інжынерным факультэце адбылася куратарская гадзіна, у ходзе якой студэнты з Туркменістана расказалі аб гісторыі і традыцыях святкавання “Наўруза”.
Сяброўская сустрэча па футболе паміж зборнымі камандамі туркменскіх студэнтаў адбылася 21 сакавіка 2016 года.
24 сакавіка 2016 года на базе УА “Мазырскі дзяржаўны педагагічны ўніверсітэт імя І.П. Шамякіна” была праведзена Міжнародная навукова-практычная канферэнцыя-семінар “Фарміраванне прафесійнай кампетэнтнаснасці сацыяльных работнікаў: праблемы, тэндэнцыі, перспектывы”. У канферэнцыі прынялі ўдзел спецыялісты ў галіне арганізацыі сацыяльнай і сацыяльна-педагагічнай работы, выкладчыкі і студэнты.
18 сакавіка 2016 года ва ўстанове адукацыі “Мазырскі дзяржаўны педагагічны ўніверсітэт імя І.П. Шамякіна” адбылося пасяджэнне прэзідыума “Беларускай асацыяцыі студэнцкага спорту”. У мерапрыемстве прынялі ўдзел Міністр адукацыі Рэспублікі Беларусь Міхаіл Анатольевіч Жураўкоў, намеснік Міністра спорту і турызму Рэспублікі Беларусь Аляксандр Сяргеевіч Дубкоўскі, рэктары і прарэктары ВНУ, кіраўнікі і спецыялісты Беларускай асацыяцыі студэнцкага спорту, Рэспубліканскага цэнтра фізічнага выхавання і спорту, галоўны трэнер нацыянальнай каманды па веславанні на байдарках і каноэ Уладзімір Уладзіміравіч Шантаровіч, намеснік старшыні Мазырскага выканаўчага камітэта Фелікс Фёдаравіч Галюк, начальнік аддзела адукацыі, спорту і турызму Любоў Сцяпанаўна Клепчукова, дырэктары Мазырскіх ДзЮСШ.
19 сакавіка 2016 года фізіка-інжынерны факультэт прыняў эстафету прафарыентацыйнага праекта УА МДПУ імя І.П. Шамякіна пад назвай “Універсітэцкая субота”. Больш за 180 навучэнцаў устаноў прафесійна-тэхнічнай, сярэдняй і сярэдняй спецыяльнай адукацыі г. Мазыра і Мазырскага раёна прыехалі ва ўніверсітэт атрымаць новыя веды, пашырыць навуковы і культурны кругагляд, акунуцца ва ўніверсітэцкі акадэмічны асяродак, прафесійна самавызначыцца.
З 14 па 20 сакавіка 2016 года ў рамках святкавання Міжнароднага дня фінансаў дзяцей і моладзі і правядзення ў Рэспубліцы Беларусь Тыдня фінансавай граматнасці ва ўніверсітэце адбыліся сустрэчы супрацоўнікаў, выкладчыкаў і студэнтаў з прадстаўнікамі ААА “Белаграпрамбанк” і ЗАА “Альфа-Банк”.
Асноўная мэта – павышэнне фінансавай граматнасці выкладчыкаў і навучэнцаў вышэйшых навучальных устаноў. Супрацоўнікі і студэнты прынялі актыўны ўдзел у абмеркаванні пытання “Развіццё безнаяўнасных разлікаў у Рэспубліцы Беларусь”, “Гісторыя грошай”, па выніках якога атрымалі поўную інфармацыю аб магчымасцях і перавагах выкарыстання банкаўскіх плацёжных картак.
Версія для слабавідушчых 
