Пярвічная прафсаюзная арганізацыя студэнтаў
Студэнты з Туркменістана на практыцы
- Падрабязнасці
- Апублікавана 03.04.2013 21:55
Сваю пераддыпломную практыку Акнабат праходзіць на філалагічным факультэце (спецыяльнасць “Англійская мова. Нямецкая мова”, групавы кіраўнік С.У. Кісялёва). Студэнтка атрымала добрую тэарэтычную і метадычную падрыхтоўку выкладання замежных моў у школе, што знайшло адлюстраванне ў ходзе практыкі. Яе ўрокі адрозніваюцца крэатыўнасцю, уменнем арганізаваць вучэбна-пазнавальную дзейнасць студэнтаў першага курса.
Паспяхова праходзіць сваю першую педагагічную практыку і студэнт 4 курса 2 групы Аланазараў Ахмет Аланазаравіч (спецыяльнасць "Руская мова і літаратура. Гісторыя”, групавы кіраўнік Т.І. Татарынава). Ён навучае рускай мове слухачоў падрыхтоўчага аддзялення, якія прыехалі з Туркменістана.
Прыемна адзначыць, што Рэспубліка Туркменістан атрымае кампетэнтных сучасных спецыялістаў з дыпломам УА “Мазырскі дзяржаўны педагагічны ўніверсітэт імя І.П. Шамякіна”.