Падрабязнасці

Апублікавана 28.03.2013 08:05

Мабільны тэлефон абгрунтаваўся ў нашым жыцці трывала і, мяркуючы па ўсім, надоўга. Выходзячы з хаты, мы ў першую чаргу бярэм з сабой тры рэчы: ключы, грошы і тэлефон. А бо гадоў дзесяць таму мы неяк абыходзіліся без сотавага, неверагодна! :) 19 сакавіка са студэнтамі 2 групы 1 курса біялагічнага факультэта была праведзена куратарская гадзіна на тэму “Мабільны этыкет”.

Мабільны тэлефон або смарт-прылада на яго базе становяцца, калі ўжо не сталі, элементарнымі прадметамі асабістага ўжытку. Аднак зона выкарыстання асабістага мабільнага тэлефона далёка не заўсёды застаецца зонай прыватнага жыцця. Гэты факт дыктуе неабходнасць засваення кожным карыстальнікам сотавай сувязі маральна-этычных прынцыпаў, абавязковае выкананне якіх мы лічым адным з асноўных фактараў спрыяльнага развіцця мабільнай сувязі.

Студэнткай Богавай Ганнай зроблены даклад аб уздзеянні мабільных тэлефонаў на арганізм чалавека. Куратарская гадзіна прайшла ў форме гутаркі, падчас якой агучаны асноўныя правілы “мабільнага этыкету”.

1. Любы чалавек мае права карыстацца асабістым мабільным тэлефонам свабодна, але не мае права абмяжоўваць пры гэтым асабістыя свабоды іншых людзей.

2. Неабходна выключаць асабісты мабільны тэлефон безумоўна ў тых выпадках, калі выкарыстанне радыёсувязі можа падвергнуць небяспецы жыццё іншых людзей (лятальныя апараты, аперацыйныя медыцынскія комплексы і да т.п.).

3. Неабходна выключаць асабісты мабільны тэлефон або пераводзіць яго ў бязгучны рэжым на спектаклі, кінасеансе, канцэрце, у музеях і выставачных залах, падчас цырымоній і рытуалаў.

4. Варта ўстрымлівацца ад выкарыстання мабільнага тэлефона падчас кіравання транспартам.

5. Варта выключаць мабільныя тэлефоны ці пераводзіць іх у бязгучны рэжым на занятках, дзелавых сустрэчах і перагаворах.

6. У грамадскіх месцах (кафэ, рэстараны, крамы, грамадскі транспарт і да т.п.) мабільны тэлефон варта выкарыстоўваць з найменш магчымым узроўнем гучнасці сігналу і голасу і з найбольш магчымай павагай да грамадзян.

7. Не варта выкарыстоўваць у якасці гукавога сігналу тое, што можа абразіць ці ўстрывожыць людзей побач (нецэнзурная лексіка, грубыя і рэзкія выказвання і гукі).

8. Недапушчальна выкарыстанне чужых мабільных тэлефонаў і паведамленне іх нумароў трэцім асобам без дазволу на тое іх уладальнікаў.