Любі і ведай свой край!

Падрабязнасці: Апублікавана 11.12.2018 06:50

27 лістапада ў чытальнай зале галоўнага корпуса ўніверсітэта ў межах рэалізацыі плана культурна-асветніцкіх мерапрыемстваў на базе экспазіцый рэспубліканскай выставы сучаснай візуальнай творчасці студэнтаў “Грані творчасці” студэнцкім актывам факультэта фізічнай культуры было праведзена тэматычнае мерапрыемства “Любі і ведай свой край!”, прымеркаванае да Году малой радзімы.

Гасцямі ўніверсітэта ў гэты дзень сталі навучэнцы старшых класаў ДУА “Сярэдняя школа № 12 г. Мазыра”, будучыя абітурыенты 2019 года, якія таксама даведаліся пра факультэт фізічнай культуры, яго спецыяльнасці і асаблівасці паступлення, пазнаёміліся з гісторыяй факультэта і ўніверсітэта.

Для студэнтаў факультэта фізкультуры, а таксама навучэнцаў ДУА “Сярэдняя школа № 12 г. Мазыра” была праведзена экскурсія па выставе. У ходзе праведзенага мерапрыемства ўдзельнікі пазнаёміліся з гісторыяй роднага краю, убачылі, як з пакалення ў пакаленне перадаюцца народныя традыцыі, абрады.