Першая сустрэча
- Падрабязнасці
- Апублікавана 28.05.2018 06:21
21 мая сумесна з дабрачынным грамадскім аб’яднаннем “Свет без межаў” адбылася паездка ва УА “Магілёўская дзяржаўная спецыяльная школа закрытага тыпу”. Студэнты-валанцёры факультэта дашкольнай і пачатковай адукацыі, актывісты валанцёрскага цэнтра “Твары Дабрыню” прынялі актыўны ўдзел у мерапрыемстве пад агульнай эгідай “Кантактны сябар”.
“Кантактны сябар” – гэта добраахвотны памагаты, на плечы якога кожны раз ускладаецца вялікая адказнасць. Яны працуюць з цяжкімі падлеткамі, якія знаходзяцца ў выхаваўчай установе закрытага тыпу, аказваюць дапамогу і падтрымку выхаванцам дадзеных устаноў, паказваючы свой асабісты прыклад.