Прафарыентацыйны праект “Мы выбіраем філфак!”

Падрабязнасці: Апублікавана 26.04.2017 07:36

Абітурыент! Лозунг ва ўсе часы аднолькавы,

У будучыню разам з філфакам!

20.04.2017 г. студэнты і выкладчыкі філалагічнага факультэта УА “МДПУ імя І.П. Шамякіна” прынялі ўдзел у падрыхтоўцы і правядзенні Тыдня рускай мовы і літаратуры на базе ДУА “Сярэдняя школа № 7 г. Мазыра”.

Студэнты Шырко Г., Кунгер К., Максіменка А., Карпава К., Рафальская В., Отчык В., Пігамаў Р. і інш. падрыхтавалі для старшакласнікаў інтэрактыўны праект “Перадай іншаму: я выбіраю філфак!”.

Уласенка К. прадставіла літаратурна-адукацыйны праект “Чытаем класіку разам”, у якім прынялі актыўны ўдзел і вучні, і настаўнікі школы. Яны расказалі пра тое, чаму любяць творчасць А.С. Пушкіна, Л.М. Талстога, Ф. М. Дастаеўскага, М.А. Булгакава, М.А. Шолахава і інш. Для іх – гэта свет прыгожага і гарманічнага ў чалавеку.

Усіх прысутных натхніла літаратурная гасціная «Поэт в России больше, чем поэт!», прысвечаная памяці Я. Яўтушэнкі. У зале гучалі вершы паэта і песні на яго вершы ў выкананні студэнтаў і дацэнта кафедры беларускай і рускай філалогіі У.В. Кузьміча.

Паважаныя абітурыенты! Калі Вы імкнецеся атрымаць выдатную гуманітарную адукацыю, цэніце Слова, цікавіцеся гісторыяй, шчыра вітаем Вас на філалагічным факультэце!