Метадычны семінар «Шляхі павышэння якасці педагагічнай практыкі»
- Падрабязнасці
- Апублікавана 20.12.2012 09:02
Семінар адкрыў рэктар універсітэта, доктар біялагічных навук, прафесар В.В. Валетаў. З дакладамі выступілі: кіраўнік практыкі ўніверсітэта А.А. Сазанчук («Арганізацыйныя аспекты педагагічнай практыкі студэнтаў ва УА"МДПУ імя І. П. Шамякіна "), дацэнт кафедры педагогікі Т.М. Савенка («Значэнне педагагічнай практыкі ў працэсе прафесійнага станаўлення студэнтаў ва ўмовах рэфармавання вышэйшай школы»), дацэнт кафедры педагогікі Т.У. Паліева («Вынікі маніторынгу гатоўнасці студэнтаў да практычнай дзейнасці ў школе»), намеснік дырэктара па выхаваўчай і ідэалагічнай рабоце СШ № 14 І.Р. Тыльковіч («Патрабаванні сучаснай школы да прафесійнай кваліфікацыі педагогаў»).
Актуальныя пытанні арганізацыі і правядзення педагагічных практык ва ўніверсітэце, узаемадзеянне ўніверсітэта і арганізацый, якія з'яўляюцца базамі практык, у працэсе арганізацыі педагагічных практык былі асветлены кіраўніком практыкі А.А. Сазанчук.
Дацэнт Савенка Т.М. звярнула ўвагу прысутных на важнасць выпрацоўкі і ўдасканалення педагагічных уменняў і навыкаў у працэсе педагагічнай практыкі.
У сваім дакладзе дацэнт Паліева Т.В. прадставіла вынікі анкетавання студэнтаў, праведзенага з мэтай вызначэння ўзроўню валодання студэнтамі педагагічнымі ўменнямі.
Таксама прагучаў даклад асістэнта Болбас Г.У. пра асаблівасці праходжання студэнтамі педагагічнай практыкі ў летніх аздараўленчых лагерах.
Намеснік дырэктара па выхаваўчай і ідэалагічнай рабоце СШ № 14 Тыльковіч І. Р. азнаёміла прысутных з асаблівасцямі арганізацыі выхаваўчай работы ў СШ № 14 і асноўнымі патрабаваннямі, што прад'яўляюцца да класнага кіраўніка школы сёння.
Актуальныя праблемы педагагічнай практыкі былі абмеркаваны за круглым сталом.