Студэнцкаму самакіраванню – Так!
- Падрабязнасці
- Апублікавана 23.11.2016 13:06
17.11.2016 на філалагічным факультэце адбыўся Дзень самакіравання, прысвечаны Міжнароднаму дню студэнта. На працягу месяца актывам студэнцкага савета разглядаліся і карэктаваліся дэталі і асноўныя этапы правядзення Дня самакіравання. У выніку была падрыхтавана шырокая праграма вучэбна-выхаваўчых мерапрыемстваў.
Дзень самакіравання пачаўся з пасяджэння студэнцкага савета факультэта, на якім абмяркоўваліся “Асноўныя накірункі і характарыстыкі Дзяржаўнай праграмы “Адукацыя і маладзёжная палітыка” на 2016–2020 гады” (дакладчык – старшыня студэнцкага савета Шырко Г.В.). У абмеркаванні праграмы прынялі ўдзел дэкан філалагічнага факультэта Ісмайлава Л.В., намеснік дэкана па выхаваўчай рабоце Судзібор І.Л., члены студэнцкага савета ўніверсітэта і факультэта.
У гэты дзень абавязкі дэкана філалагічнага факультэта выконвала Шырко Г.В. (5 курс, 1 група); намесніка дэкана па вучэбнай рабоце – Шаўрэй А.С. (5 курс, 1 група); намесніка дэкана па выхаваўчай рабоце – Уласенка К.А. (3 курс, 1 група). У “начальства” таксама трапілі: Слуцкі А.М., Касцішына В.В., Сіліч В.Г., Качан І.І., Андрэйкавец А.В., Рафальская В.Г., Панасюк А.В., Гудзінаў М.Ю., Койдан Т.П. і інш. У ролі выкладчыкаў выступілі Комар А.М., Каленік К.В., Касцішына В.В., Кошкіна Т.І., Чарадзіна А.А., Макееў А.В., Чыжэўская В.І., Белая А.А., Мяцельскі М.А. і інш.
Для студэнтаў 1, 2 курсаў была падрыхтавана і праведзена віктарына “2016 – Год культуры ў Беларусі”. Пераможцай стала студэнтка 2 курса 3 групы Цімошчанка Ганна.
Сярод студэнтаў і выкладчыкаў Ібрагімавай А., Сіліч В. і Слуцкім А. было праведзена бліц-апытанне “Студэнт ХХІ стагодзя – гэта…”.
На працягу дня для студэнтаў і выкладчыкаў працавала выстава навукова-метадычнай літаратуры “Майстры псіхалогіі”, падрыхтаваная студэнцкім саветам і чытальнай залай універсітэта.
У рамках дня самакіравання былі праведзены наступныя мерапрыемствы:
- Круглы стол “Асноўныя накірункі і характарыстыкі Дзяржаўнай праграмы “Адукацыя і маладзёжная палітыка” на 2016–2020 гады”
- Прафарыентацыйная акцыя ў ДУА “Сярэдняя школа № 16 г. Мазыра”, УА “Мазырскі дзяржаўны абласны ліцэй” “Мы выбіраем філфак!”
-
Майстар-клас для студэнтаў 2, 3 курсаў “Дай мне руку…”: Нарыс жыцця і творчасці І.С. Тургенева
-
Конкурс “Сэлфі з любімым выкладчыкам”
-
Дабрачынная акцыя “Кніга жыцця”
- Выстава навукова-метадычнай літаратуры “Майстры псіхалогіі”
Дзень студэнцкага самакіравання на філалагічным факультэце прайшоў паспяхова. Ён паказаў, што ў студэнтаў ёсць здольнасці і магчымасці для асабовага і прафесійнага развіцця, дапамог усвядоміць неабходнасць адказнасці за даручаную справу.
Ад імя “студэнцкага дэканата” дзякуем усім студэнтам, якія прынялі ўдзел у рабоце Дня самакіравання і віншуем з Міжнародным днём студэнта.
“Студэнцкі дэканат”