“Студэнт года – 2016” ва УА МДПУ імя І.П. Шамякіна
- Падрабязнасці
- Апублікавана 22.11.2016 05:50
18 лістапада ва ўрачыстай абстаноўцы ўніверсітэта адбыўся конкурс “Студэнт МДПУ імя І.П. Шамякіна – 2016”.
У конкурсе прынялі ўдзел самыя таленавітыя, мэтанакіраваныя студэнты пяці факультэтаў, якія вучацца на “выдатна” і дасягнулі высокіх вынікаў у розных відах дзейнасці: Уласенка Карына, студэнтка філалагічнага факультэта; Супруновіч Дзмітрый, студэнт факультэта фізічнай культуры; Зубок Алег, студэнт фізіка-інжынернага факультэта; Корзун Вікторыя, студэнтка факультэта дашкольнай і пачатковай адукацыі; Архіпава Вераніка, студэнтка тэхнолага-біялагічнага факультэта.
З прывітальным словам выступіла начальнік аддзела па выхаваўчай рабоце з моладдзю Святлана Васільеўна Мацвеева. Яна таксама павіншавала прысутных з Міжнародным днём студэнта.
Удзельнікі выступалі і прадстаўлялі сябе, свае здольнасці ў чатырох конкурсах: “Партфоліа”, “Праект года”, конкурс аратарскага майстэрства “Мая спецыяльнасць – мая гарантыя будучыні”, творчы конкурс “Маладая Беларусь”.
Па выніках конкурсу тытул “Студэнт МДПУ – 2016” заваявала студэнтка факультэта дашкольнай і пачатковай адукацыі Корзун Вікторыя. Кожны студэнт атрымаў дыплом за ўдзел, а таксама каштоўныя падарункі.