Выстава браканьерскіх прылад палявання

Падрабязнасці: Апублікавана 26.10.2016 12:33

21 кастрычніка 2016 года студэнты 1 курса тэхнолага-біялагічнага факультэта УА МДПУ імя І.П. Шамякіна наведалі Мазырскую інспекцыю аховы жывёльнага і расліннага свету.

За 11 год плённай працы інспекцыя змагла стаць надзейным шчытом на шляху браканьераў, абараніць родную прыроду, жывёльны свет ад злачыннага ўздзеяння.

Маючы добрую тэхніку і цудоўную інфраструктуру, невялікі, але вельмі цэласны калектыў прафесіяналаў паспяхова вырашае задачы па ажыццяўленні дзяржаўнага кантролю за аховай і выкарыстаннем аб’ектаў жывёльнага і расліннага свету на тэрыторыі Мазырскага, Калінкавіцкага, Ельскага, Нараўлянскага раёнаў.

Начальнік інспекцыі Уладзімір Фёдаравіч Лагімахаў расказаў аб структуры арганізацыі, планах работы, аб мерах і метадах барацьбы з браканьерамі і прадставіў выставу забраных незаконных прылад рыбалоўства і палявання (розныя сеткі, электралоўныя ўстаноўкі, жакі, ручныя пад’ёмнікі (павукі), восці, тросы (петлі), іншая незаконная зброя).

Сёння Мазырская міжраённая інспекцыя аховы жывёльнага і расліннага свету пры Прэзідэнце Рэспублікі Беларусь знаходзіцца па наступным адрасе: г. Мазыр, вул. Рыжкова, 17. Тэлефон “гарачай лініі” – 32-50-43 (кругласуткава).