“Калейдаскоп талентаў”
- Падрабязнасці
- Апублікавана 26.05.2016 12:33
24 мая 2016 года адбыўся конкурс студэнцкай творчасці "Калейдаскоп талентаў" паміж інтэрнатамі ўніверсітэта. Тры інтэрнаты, тры каманды на працягу месяца рыхтаваліся, каб прадставіць на сцэне свае творчыя таленты, рэпеціравалі, падбіралі вядучых і здымалі відэа.
Вынікам дадзенай падрыхтоўкі сталі яркія, эмацыянальныя і па-сапраўднаму таленавітыя выступленні.
Каманда інтэрната № 3 “Дом - 3” атрымала дыплом ІІІ ступені, камандзе студэнтаў з інтэрната № 1 “Пяціхатка Дом - 2” уручылі дыплом ІІ ступені. Пераможцам конкурсу стала каманда інтэрната № 2.
У намінацыі “Лепшыя вядучыя” перамаглі Архіпава Вераніка (інтэрнат № 1) і Румянцаў Вадзім (інтэрнат № 2).
Усе ўдзельнікі конкурсу панеслі дадому не толькі дыпломы і падарункі, але і смачныя торты да чаю, прадастаўленыя ў якасці падарункаў прафкамам студэнтаў.