Акцыя “Студэнты – дзецям-інвалідам”
- Падрабязнасці
- Апублікавана 08.12.2015 13:05
Напярэдадні Міжнароднага дня інваліда – 3 снежня – на факультэце дашкольнай і пачатковай адукацыі намаганнямі студэнтаў-дэфектолагаў 3-га, 4-га і 5-га курсаў была праведзена акцыя “Студэнты – дзецям-інвалідам” у дапамогу выхаванцам ДУА “Мазырскі раённы цэнтр карэкцыйна-развіваючага навучання і рэабілітацыі”. На сабраныя сродкі студэнты набылі ў падарунак разнастайныя канцылярскія тавары, матэрыялы для вучэбнай і творчай дзейнасці дзяцей.
Студэнты 4 курса 2 групы разам з куратарам Міхайлавай Екацярынай Мікалаеўнай у рамках фестывальнага тыдня, прысвечанага Міжнароднаму дню інваліда, 7 снежня на базе ЦКРНіР г. Мазыра арганізавалі святочнае мерапрыемства “Падары радасць дзецям”, якое стала асаблівай падзеяй для дзяцей і іх педагогаў. Студэнты прадэманстравалі пастаноўку казкі “Беласнежка і сем гномаў”, а таксама ў вобразе вясёлых клоунаў арганізавалі інтэрактыўнае ўзаемадзеянне з выхаванцамі. Выступленне знайшло глыбокі эмацыянальны водгук у дзяцей, словы ўдзячнасці прагучалі ў адрас студэнтаў і куратара ад адміністрацыі ўстановы і педагогаў.