Падрабязнасці

Апублікавана 13.05.2013 17:45

«Песня нас вяла да Перамогі» - пад такой назвай 8 мая ва УА МДПУ імя І.П. Шамякіна прайшоў святочны канцэрт, прысвечаны Дню Перамогі.

Студэнты і ўдзельнікі творчых калектываў універсітэта цёпла павіншавалі ветэранаў вайны і педагагічны калектыў са святам Вялікай Перамогі і выказалі шчырую падзяку ўсім, хто падарыў нам мірнае неба. Кожны творчы нумар быў прасякнуты атмасферай тых далёкіх часоў, знаходзячы водгук у сэрцах прысутных. Кульмінацыйным момантам святочнага канцэрту з'явілася выкананне песні «Дзень Перамогі», словы якой знаёмыя кожнаму з нас.

Дарагія ветэраны! Мы сардэчна віншуем Вас са святам Вялікай Перамогі, схіляем галовы перад вашай мужнасцю і стойкасцю! Жадаем Вам святочнага настрою і бадзёрасці, разумення і клопату родных і блізкіх людзей, міру і дабрабыту!