Пярвічная прафсаюзная арганізацыя студэнтаў
Прафесійная культура сучаснага педагога: тэорыя і практыка фарміравання
- Падрабязнасці
- Апублікавана 01.04.2019 05:59
Галоўнымі пытаннямі для абмеркавання сталі:
– складнікі прафесійнай культуры сучаснага педагога;
– культура педагагічных зносінаў;
– прафесійна-асабовыя якасці сучаснага педагога;
– імідж і прафесійнае майстэрства педагога;
– малады настаўнік: шлях у прафесію.
Адкрываючы сустрэчу, дацэнт кафедры педагогікі і псіхалогіі Л.В. Ісмайлава падкрэсліла, што разнастайнасць і складанасць прафесійных функцый, спецыфіка педагагічнай дзейнасці патрабуюць не толькі кампетэнтнасці, але і высокіх асабістых якасцей і прафесійнай культуры будучых спецыялістаў.
Тэму прадоўжыла дацэнт кафедры беларускай і рускай філалогіі Т.І. Татарынава з паведамленнем “Сучасны настаўнік ва ўяўленні будучых педагогаў”, у якім прааналізавала вынікі праведзенага на філалагічным факультэце анкетавання.
Аб педагагічным вопыце, атрыманым падчас практыкі, расказалі Катрук К.А., Ягмурава У.Ю., студэнты 4 курса філалагічнага факультэта.
Зацікаўленая і ажыўленая дыскусія ў ходзе круглага стала паказала разуменне яго ўдзельнікамі важнасці пытанняў, што абмяркоўваліся, і дазволіла адзначыць галоўнае: сучасная школа чакае маладога спецыяліста, які валодае рознабаковымі ведамі, высокім узроўнем прафесійнай культуры, гатовага працаваць ва ўмовах, якія хутка змяняюцца.
Напрыканцы пасяджэння ўдзельнікі выказалі пажаданне прадоўжыць правядзенне падобных круглых сталоў і запрашаць для ўдзелу студэнтаў розных факультэтаў.
Л.В. Ісмайлава, дацэнт кафедры
педагогікі і псіхалогіі