Студенческий клуб

Студэнцкі клуб

Падрабязнасці: Апублікавана 30.08.2012 12:35

Загадчык

Даньчанка Надзея Мікалаеўна

Студэнцкі клуб універсітэта стварае ўмовы для далучэння моладзі да дасягненняў у галіне нацыянальнай культуры, літаратуры і мастацтва; залучае актыўную моладзь у творчы працэс універсітэта, займаецца аказаннем практычнай дапамогі студэнцкай моладзі ў арганізацыі вольнага часу, культурнага вольнага часу.

Работа студэнцкага клуба ажыццяўляецца па наступных напрамках:

1. Арганізацыя культурна-масавай дзейнасці і вольнага часу студэнтаў ва ўніверсітэце.

2. Каардынацыя работы творчых аб'яднанняў моладзі па інтарэсах.

3. Развіццё студэнцкага самакіравання ва ўніверсітэце.

У I семестры 2012-2013 навучальнага года нашы студэнты прынялі актыўны ўдзел у 5 рэспубліканскіх, абласных і раённых творчых конкурсах. З найбольш значных дасягненняў можна вылучыць наступныя:

дыплом II ступені, дыплом у намінацыі «Сімпатыя журы» ў V Рэспубліканскім адкрытым конкурсе дзіцячай і юнацкай творчасці “ЗАЛАТАЯ ЛІРА-2012”. (г. Мінск, 13-14 кастрычніка 2012 г.);

дыплом у намінацыі “Я вяду, вяду, вяду” ў Адкрытым Форуме студэнцкіх талентаў “Зімовая вясёлка–2012” (г. Гомель, 5 снежня 2012 г. ).

Студэнцкі клуб цесна супрацоўнічае з аддзелам культуры Мазырскага раённага выканаўчага камітэта, гарадскімі палацамі культуры і іншымі арганізацыямі горада, аказваючы ім дапамогу ў правядзенні культурна-масавых мерапрыемстваў, а таксама прымаючы ўдзел у раённых конкурсах. На гарадскім фестывалі аўтарскай песні і гітарнай музыкі “Звяні, гітара– 2012” прадстаўнікі нашага ўніверсітэта занялі тры прызавых месцы.

Студэнты ВНУ прымаюць удзел у рэспубліканскіх (“Міс Беларусь”, “АРТ-вакацыі”), абласных (“Зімовая вясёлка”, “Агітбрыгады”), рэгіянальных, гарадскіх фестывалях і конкурсах.

Рэалізацыі творчага патэнцыялу студэнцкай моладзі і арганізацыі паўнавартаснага вольнага часу спрыяе правядзенне грамадскіх мерапрыемстваў, фестываляў, конкурсаў, канцэртаў. Традыцыйнымі сталі конкурсы:

Фестываль студэнцкіх талентаў "Першакурснік"

Конкурс грацыі і артыстычнага майстэрства "Міс Універсітэт"

Фестываль КВЗ

Канцэрты, прысвечаныя Дню абаронцаў Айчыны і Узброеных Сіл
Рэспублікі Беларусь, Дню жанчын, Дню Перамогі, Дню Настаўніка.

Конкурс агітацыйных брыгад "Здаровы лад жыцця"

У студэнцкім клубе вядзецца Банк дадзеных "Таленавітая моладзь".

З мэтай арганізацыі актыўнага адпачынку студэнтаў, нефармальнага далучэння да мастацтва і павышэння музычнай культуры, праводзяцца тэматычныя дыскатэкі, прымеркаваныя да каляндарных дат: Дзень студэнта, Новы год, Таццянін дзнь, Дзень Святога Валянціна, Дзень абаронцаў Айчыны і Узброеных Сіл Рэспублікі Беларусь, Дзень жанчын, Дзень прафілактыкі СНІДу, дыскатэка электроннай музыкі і інш.