“Дзе пануе дух навукі, там ствараецца вялікае малымі сродкамі” (М. Пірагоў)

Падрабязнасці: Апублікавана 10.05.2019 07:47

Студэнты філалагічнага факультэта прынялі актыўны ўдзел у XXVI Міжнароднай студэнцкай навукова-практычнай канферэнцыі “Ад ідэі – да інавацыі”, якая адбылася 25 красавіка 2019 года ва УА МДПУ імя І.П. Шамякіна. З дакладамі выступіла 72 студэнты нашага факультэта. У рабоце секцыйных пасяджэнняў прымалі вочны і завочны ўдзел таксама студэнты іншых універсітэтаў Рэспублікі Беларусь і Расіі. Свае даклады студэнты прадстаўлялі на 3 секцыях:

– “Актуальныя праблемы гістарычнай навукі. Грамадазнаўчая адукацыя на сучасным этапе” (47 дакладаў);

– “Сучасная філалогія: мова, маўленне, тэкст. Методыка выкладання філалагічных дысцыплін” (59 дакладаў);

– “Актуальныя праблемы рамана-германскага мовазнаўства. Сучасная іншамоўная адукацыя” (63 даклады).

Секцыйныя пасяджэнні прайшлі ў атмасферы навуковай зацікаўленасці. Студэнтамі абгрунтоўвалася актуальнасць праведзеных даследаванняў, раскрывалася іх навізна, інтэрпрэтаваліся розныя падыходы да праблем даследавання, аналізаваўся асабісты матэрыял даследавання, вынікі работы абагульняліся ў высновах. Лепшыя студэнцкія даклады былі адзначаны дыпломамі і сертыфікатамі канферэнцыі.

Пажадаем нашым студэнтам далейшых поспехаў у навуковай рабоце! Няхай гэтыя першыя крокі ў навуку абяцаюць старт для новых ідэй і інавацый!

Дацэнт кафедры замежных моў і МВЗМ

Т.М. Талецкая