Навагодняя дабрачынная акцыя “Святло дабрыні” для выхаванцаў Мазырскага раённага Цэнтра карэкцыйна-развіваючага навучання і рэабілітацыі

Падрабязнасці: Апублікавана 02.01.2019 07:24

20.12.2018 у межах Рэспубліканскай акцыі “Нашы дзеці” студэнты-валанцёры філалагічнага факультэта наведалі Мазырскі раённы Цэнтр карэкцыйна-развіваючага навучання і рэабілітацыі і прынялі ўдзел у Навагоднім агеньчыку “Дыскатэка 80-х”. Выхаванцы цэнтра і студэнты факультэта стварылі для ўсіх прысутных настрой навагодняй казкі і чараўніцтва. У зале панавала духоўная атмасфера адзінства педагогаў і дзяцей.

Навагоднія віншаванні прагучалі ад намесніка Старшыні Мазырскага раённага выканаўчага камітэта Ф.Ф. Галюка, начальніка аддзела адукацыі, спорту і турызму Мазырскага райвыканкама Л.С. Клепчуковай, намесніка дэкана па выхаваўчай рабоце філалагічнага факультэта УА МДПУ імя І.П. Шамякіна І.Л. Судзібор, кіраўнікоў прадпрыемстваў горада.

Адміністрацыя ДУА ЦКРНіР выказала ўдзячнасць студэнтам і выкладчыкам філалагічнага факультэта за актыўны ўдзел у падрыхтоўцы і правядзенні дабрачынных навагодніх акцый і рэалізацыю адукацыйнага праекта “Святло дабрыні” для выхаванцаў цэнтра.

Будзем дарыць дабрыню сябрам!

І.Л. Судзібор, намеснік дэкана

па выхаваўчай рабоце

філалагічнага факультэта