Віншуем пераможцаў завочнага тура Міжнароднай алімпіяды па вышэйшай і элементарнай матэматыцы сярод педагагічных вну і вну, якія ажыццяўляюць падрыхтоўку настаўнікаў матэматыкі!

Падрабязнасці: Апублікавана 02.01.2019 05:55

4 снежня 2018 года на базе ФДБАУ ВА “Уральскі дзяржаўны педагагічны ўніверсітэт” (Расія, г. Екацярынбург) адбылася Міжнародная алімпіяда па вышэйшай і элементарнай матэматыцы сярод педагагічных вну і вну, якія ажыццяўляюць падрыхтоўку настаўнікаў матэматыкі. Па выніках завочнага тура алімпіяды па вышэйшай матэматыцы каманда фізіка-інжынернага факультэта УА МДПУ імя І.П. Шамякіна ў складзе Брукоўскай Анастасіі, Блоцкай Дар’і, Маскальчук Аліны, Гайкевіч Аліны заняла 1 каманднае месца. Па выніках завочнага тура алімпіяды па элементарнай матэматыцы каманда фізіка-інжынернага факультэта УА МДПУ імя І.П. Шамякіна ў складзе Вараненка Крысціны, Жук Марыны, Ларкінай Алены, Купрацэвіча Сяргея заняла 1 каманднае месца.

Падрыхтоўкай студэнтаў да алімпіяды па матэматыцы займалася Старавойтава Алеся Уладзіміраўна, выкладчык кафедры фізікі і матэматыкі. Варта адзначыць, што гэта не першы высокі вынік, які паказалі студэнты, што займаюцца ў гуртку “Алімпіядныя задачы па матэматыцы”. У апошні час на ўсерасійскіх алімпіядах з міжнародным удзелам па матэматыцы студэнты фізіка-інжынернага факультэта неаднаразова займалі прызавыя месцы.

Алімпіяда праходзіла ў анлайн-рэжыме з выкарыстаннем дыстанцыйных тэхналогій (у форме вэбінара). Удзел прымалі педагагічныя вну РФ і краін СНД (Пермскі дзяржаўны гуманітарна-педагагічны ўніверсітэт, Навасібірскі дзяржаўны педагагічны ўніверсітэт, Башкірскі дзяржаўны ўніверсітэт, Паўднёва-Уральскі гуманітарна-педагагічны дзяржаўны ўніверсітэт, Расійскі дзяржаўны прафесійна-педагагічны ўніверсітэт, Уральскі дзяржаўны педагагічны ўніверсітэт, Луганскі нацыянальны ўніверсітэт імя Тараса Шаўчэнкі, Заходне-Казахстанскі аграрна-тэхнічны ўніверсітэт імя Жангір хана, Кыргызстанскі Ошскі дзяржаўны ўніверсітэт і інш.).

Ад усяго сэрца віншуем студэнтаў з перамогай і жадаем ім далейшых поспехаў!!!