Анлайн-сустрэча з навучэнцамі старэйшых класаў СШ № 16 г. Мазыра

Падрабязнасці: Апублікавана 17.12.2018 07:47

12.12.2018 адбылася першая анлайн-сустрэча прафарыентацыйнай накіраванасці з навучэнцамі старэйшых класаў СШ № 16 г. Мазыра. Адказны сакратар прыёмнай камісіі, дэкан фізіка-інжынернага факультэта Кавальчук Інэса Мікалаеўна, азнаёміла старшакласнікаў з асноўнымі патрабаваннямі да праходжання рэгістрацыі і ўдзелу ў цэнтралізаваным тэсціраванні.

Правяла прэзентацыю спецыяльнасцей, на якія будзе ажыццяўляцца набор у 2019 годзе, акцэнтавала ўвагу навучэнцаў на найбольш запатрабаваных на рынку працы спецыяльнасцях, на ільготах і ўмовах залічэння ў педагагічны ўніверсітэт. Старшакласнікі мелі магчымасць зносінаў па скайпе і атрымаць адказы на пытанні, што іх цікавілі. Сустрэча прайшла з карысцю для абодвух бакоў.