15 лістапада – Міжнародны дзень адмаўлення ад курэння

Падрабязнасці: Апублікавана 26.11.2018 08:05

16 лістапада на базе інтэрната № 2 была праведзена акцыя “Зрабі абмен цыгарэты на цукерку!”, прысвечаная Міжнароднаму дню адмаўлення ад курэння. Мерапрыемства было арганізавана і праведзена актывам Туркменскага зямляцтва сумесна з супрацоўнікамі аддзела па выхаваўчай рабоце з моладдзю. Самымі актыўнымі ў арганізацыі акцыі былі Ягмурава Уміда і Ібрагімава Шырын.

Маладыя людзі аддавалі свае цыгарэты і атрымлівалі цукеркі. Падчас акцыі раздаваўся інфармацыйны друкаваны матэрыял аб шкоднасці курэння.

Мэта акцыі – прафілактыка курэння тытуню і інфармаванне грамадства аб яго знішчальным уздзеянні на здароўе, зніжэнне распаўсюджанасці залежнасці ад тытуню, далучэнне ў барацьбу супраць курэння ўсіх супрацоўнікаў і студэнтаў універсітэта.