Мы зрабілі!

Падрабязнасці: Апублікавана 30.10.2018 08:05

Не ўпершыню студэнты нашага ўніверсітэта прымаюць актыўны ўдзел у акцыях экалагічнай накіраванасці.

Так і ў гэтым годзе студэнты фізіка-інжынернага факультэта, тэхнолага-біялагічнага факультэта, факультэта фізічнай культуры і факультэта дашкольнай і пачатковай адукацыі, а таксама студэнцкае самакіраванне прынялі актыўны ўдзел у рэспубліканскай акцыі “Зробім 2018!”.

Месцам для прыбірання быў вызначаны гарадскі пляж (левы бераг Прыпяці), дзе студэнты прыбіралі адыходы, што спатрэбяцца для перапрацоўкі. Актывістамі было сабрана больш за 40 мяшкоў смецця.