Як важна быць эканамічна граматным
- Падрабязнасці
- Апублікавана 26.02.2018 07:41
15 лютага 2018 года адбылася сустрэча студэнтаў факультэта дашкольнай і пачатковай адукацыі з намеснікам начальніка эканамічнага ўпраўлення Нацыянальнага банка Рэспублікі Беларусь па Гомельскай вобласці Кажамякінай Наталляй Аляксандраўнай. Сустрэча праводзілася ў рамках мерапрыемстваў па павышэнні фінансавай граматнасці насельніцтва.
На сустрэчы былі асветлены пытанні ўсвядомленых адносінаў студэнцкай моладзі да грошай, кіравання асабістымі фінансавымі сродкамі, планавання бюджэту, крэдытаў, безнаяўнага і наяўнага разлікаў. Таксама Наталля Аляксандраўна прапанавала студэнтам гульню “Фінансавы геній”, падзяліўшы прысутных на каманды. Студэнты актыўна ўключыліся ў пазнаваўчую гульню, пасля завяршэння якой пераможцам былі ўручаны ўзнагароды – сувенірная прадукцыя Нацыянальнага банка. Усім прысутным былі ўручаны брашуры Нацыянальнага банка “Фінансавая граматнасць. Парады”.
Такія сустрэчы важныя для студэнцкай моладзі. А пытанні фінансавай граматнасці, безумоўна, будуць карысныя ў жыцці, паколькі той чалавек, які знаёмы з асноўнымі паняццямі фінансавай граматнасці і ўмее карыстацца імі на практыцы, здольны правільна кіраваць сваімі грашыма.
![]() |
![]() |
![]() |