Майстар-клас для студэнтаў-практыкантаў фізіка-інжынернага факультэта

Падрабязнасці: Апублікавана 06.02.2018 06:18

15 студзеня 2018 года пачалася педагагічная практыка студэнтаў 4 курса 1 групы дзённай формы атрымання вышэйшай адукацыі фізіка-інжынернага факультэта. Традыцыйна на працягу першага тыдня практыкі для студэнтаў праводзіцца майстар-клас. З гэтай мэтай 19 студзеня настаўнік фізікі вышэйшай катэгорыі ДУА “Козенская сярэдняя школа Мазырскага раёна” Свянціцкая Г.Д. правяла майстар-клас па тэме “Дысперсія”. Студэнты не толькі знаёміліся з тэхналогіяй правядзення сучаснага адкрытага ўрока, але і прынялі актыўны ўдзел у ім. Атрыманы імі вопыт будзе карысным не толькі падчас педагагічнай практыкі, але і ў далейшай педагагічнай дзейнасці.