Віншуем Равуцкую Жанну Іванаўну!

Падрабязнасці: Апублікавана 16.01.2018 06:17

16-1-1

У снежні 2017 года зацверджаны для выдання майстар-дыск “Механіка. Электронны вучэбна-метадычны комплекс” (21.12.17, рэгістрацыйны нумар № И-08-21/498) кандыдата педагагічных навук, дацэнта кафедры фізікі і матэматыкі Равуцкай Жанны Іванаўны з грыфам “Дапушчана Міністэрствам адукацыі Рэспублікі Беларусь” у якасці электроннага вучэбнага дапаможніка для студэнтаў устаноў вышэйшай адукацыі па спецыяльнасці “Камп’ютарная фізіка”.

Электронны вучэбна-метадычны комплекс (ЭВМК) па дысцыпліне “Механіка” складаецца з 4 раздзелаў: тэарэтычнага, практычнага, кантролю ведаў, дапаможнага. Работа з ЭВМК па дысцыпліне “Механіка” накіравана на авалодванне студэнтамі наступнымі кампетэнцыямі: умець выкарыстоўваць базавыя навукова-тэарэтычныя веды для рашэння тэарэтычных і практычных задач; валодаць сістэмным і параўнальным аналізам; мець навыкі, звязаныя з выкарыстаннем тэхнічных прылад; умець вучыцца, павышаць сваю кваліфікацыю; выкарыстоўваць атрыманыя веды фундаментальных палажэнняў фізікі, эксперыментальных, тэарэтычных і камп’ютарных метадаў даследавання.