Захавай сваё здароўе самастойна
- Падрабязнасці
- Апублікавана 10.09.2016 16:19
7 верасня адбылася сустрэча з прадстаўніком арганізацыі аховы здароўя, участковым тэрапеўтам Астаповіч Аленай Пятроўнай па пытаннях прафілактыкі ГРЫПу і іншых сезонных вірусных захворванняў.
Асноўным спосабам прафілактыкі з’яўляецца вакцынацыя, якая праводзіцца штогадова напярэдадні эпідэмічнага сезону, і эфектыўна абараняе арганізм ад вірусаў на працягу 6–8 месяцаў. Да катэгорый, якія найбольш адчуваюць патрэбу ў вакцынацыі, адносяцца дзеці, людзі сталага ўзросту, а таксама тыя, хто працуе ў калектыве, часцей кантактуе з іншымі людзьмі (дзіцячы сад, школа, паліклініка). Паводле статыстыкі, са 100 прывітых вірус атакуе арганізм 2-3 пацыентаў і захворванне ў такім выпадку працякае без ускладненняў.
На сустрэчы студэнтам і выкладчыкам нагадалі аб простых правілах, з дапамогай якіх можна папярэдзіць распаўсюджванне ўзбуджальнікаў, якія выклікаюць рэспіраторныя інфекцыі:
– пазбягаць блізкіх кантактаў з людзьмі, якія здаюцца нездаровымі;
– пазбягаць шматлюдных месцаў альбо скараціць час знаходжання ў шматлюдных месцах;
– старацца не датыкацца да вуснаў і носа;
– прытрымлівацца гігіены рук – часцей мыць рукі вадой з мылам альбо выкарыстоўваць сродак для дэзінфекцыі рук на спіртавой аснове, асабліва ў выпадку дотыку да вуснаў, носа;
– павялічыць прыток свежага паветра ў жылыя памяшканні, як можна часцей адчыняць вокны;
– выкарыстоўваць ахоўныя маскі пры кантакце з хворым чалавекам;
– прытрымлівацца здаровага ладу жыцця: паўнацэнны сон, рацыянальнае харчаванне, фізічная актыўнасць, рэгулярныя прагулкі на свежым паветры.