Абласны Дзень рэзервіста

Падрабязнасці: Апублікавана 15.12.2015 10:52

15-12-01 09.12.2015 на базе УА “Беларускі гандлёва-эканамічны ўніверсітэт спажывецкай кааперацыі” адбыўся семінар для асоб, якія знаходзяцца ў перспектыўным кадравым рэзерве Гомельскага абласнога выканаўчага камітэта (з ліку студэнтаў, магістрантаў).

Лепшыя прадстаўнікі студэнцкай моладзі Гомельшчыны сабраліся на традыцыйны абласны дзень рэзервіста. На адукацыйны семінар “Развіццё лідэрскіх здольнасцей і рост асабовага патэнцыялу будучых кіраўнічых працаўнікоў” былі накіраваны студэнты МДПУ імя І.П. Шамякіна, якія знаходзяцца ў перспектыўным кадравым рэзерве Гомельскага аблвыканкама Барабанава Марыя (3 курс, 1 група, фізіка-інжынерны факультэт) і Супруновіч Дзмітрый (3 курс, 3 група, факультэт фізічнай культуры).

Усе маладыя людзі, якія ўваходзяць у перспектыўны кадравы рэзерв аблвыканкама, цалкам здольныя ў будучым заняць ключавыя кіраўнічыя пасады. Перад маладымі лідэрамі выступілі прадстаўнікі ўладных структур, ВНУ і іншыя зацікаўленыя спецыялісты.

Для павышэння і развіцця лідэрскіх якасцей асоб, які ўлічаны перспектыўным кадравым рэзервам, былі праведзены: гутарка па тэме “Камунікацыйныя прынцыпы эфектыўных кіраўнічых зносінаў”, у ходзе якой удзельнікі авалодалі асноўнымі правіламі і прыёмамі кіраўнічай камунікацыі, і трэнінг “Развіццё лідэрскіх здольнасцей і рост асабовага патэнцыялу будучых кіраўнічых працаўнікоў”.

Студэнты таксама сустрэліся з маладым кіраўніком Алейнікавым Д.В. – старшынёй адміністрацыі Савецкага раёна г. Гомеля, які расказаў аб тым, што дапамагло дасягнуць такога поспеху ў кар’еры, падкрэсліўшы асаблівую значнасць самаадукацыі.