Віншуем пераможцаў!

Падрабязнасці: Апублікавана 12.11.2015 10:54

Па выніках міжнародных алімпіяд па элементарнай і вышэйшай матэматыцы для студэнтаў педВНУ і ВНУ, якія ажыццяўляюць падрыхтоўку будучых настаўнікаў матэматыкі студэнты фізіка-матэматычнага факультэта ўзнагароджаны трыма дыпломамі. Каманда МДПУ імя І.П. Шамякіна заняла першае месца ў алімпіядзе па элементарнай матэматыцы, другое месца ў асабістым першынстве, трэцяе месца ў алімпіядзе па вышэйшай матэматыцы.

19–20 кастрычніка 2015 года Уральскім дзяржаўным педагагічным універсітэтам (Расія, г. Екацярынбург) праводзіліся міжнародныя алімпіяды па элементарнай і вышэйшай матэматыцы для студэнтаў педВНУ і ВНУ, якія ажыццяўляюць падрыхтоўку будучых настаўнікаў матэматыкі. У алімпіядзе прынялі ўдзел студэнты з 15 педагагічных ВНУ Расіі, Беларусі, Казахстана і Украіны: БашДПУ (г. Уфа), БашДУ (г. Бірск), ІДУ (г. Іркуцк), ІДПІ (г. Ішым), КДУ (г. Курган), НДПУ (г. Навасібірск), ПДДУ (г. Перм), УрДПУ (г. Екацярынбург), УІДПС МНС (г. Чалябінск), ЧДПУ (ФіЭ), ЧДПУ (МіИ), (г. Чалябінск), МДПУ імя І.П. Шамякіна (г. Мазыр), ЗКАТУ ім. Жангір Хана (г. Уральск), Ж-АГУ (г. Жалал-Абад), ЛНУ (г. Луганск).

Алімпіяда праводзілася ў рэжыме анлайн у два этапы: 19 кастрычніка па элементарнай матэматыцы, 20 кастрычніка па вышэйшай матэматыцы. Ад кожнай ВНУ былі прадстаўлены 2 каманды па 4 удзельнікі. У алімпіядзе па вышэйшай матэматыцы наш універсітэт прадстаўлялі студэнты 5 курса фізіка-матэматычнага факультэта Пейсаховіч В.І., Грыневіч В.С., Вакурына А.А., Сігай М.С., у алімпіядзе па элементарнай матэматыцы – студэнты 3 і 4 курсаў фізіка-матэматычнага факультэта Піляк К.Ю., Пекінен Я.А., Галавач П.М., Юніцкі М.А. Па яе выніках каманды Мазырскага дзяржаўнага педагагічнага ўніверсітэта імя І.П. Шамякіна атрымалі два дыпломы: І месца па элементарнай матэматыцы заняла каманда ў складзе Пейсаховіч В.І., Грыневіч В.С., Вакурынай А.А., Сігай М.С., ІІІ месца па вышэйшай матэматыцы заняла каманда ў складзе Піляк К.Ю., Пекінен Я.А., Галавач П.М., Юніцкага М.А. Акрамя таго, студэнтка Пейсаховіч В.І. у асабістым заліку па элементарнай матэматыцы заняла ІІ месца.

Падрыхтоўкай студэнтаў да алімпіяд займаліся выкладчыкі кафедры матэматыкі і МВМ. Вялікую дапамогу аказаў кандыдат фізіка-матэматычных навук, дацэнт Каршкоў Фёдар Данілавіч. Неабходна адзначыць, што гэта не першы высокі вынік работы, які паказалі студэнты, што займаліся ў кружку “Метады рашэння алімпіядных задач”. Апошнія гады студэнты фізіка-матэматычнага факультэта таксама займалі прызавыя месцы на ўсерасійскіх алімпіядах з міжнародным удзелам па матэматыцы.

Далейшых поспехаў Вам!