Версія для слабавідушчых 
Конкурс творчых работ “Палёт ідэй і натхнення” выйшаў на фінішную прамую
- Падрабязнасці
- Апублікавана 28.03.2013 07:49
15 сакавіка скончыўся прыём заявак для ўдзелу ў завочным творчым конкурсе “Палёт ідэй і натхнення”, які праводзіцца факультэтам тэхналогіі ў межах Фестывалю “Педагагічная вясна–2013”. У адрас аргкамітэта конкурсу паступіла больш за 90 работ з усіх рэгіёнаў нашай рэспублікі.
У конкурсе прынялі ўдзел работы, выкананыя ў розных відах і тэхніках выяўленчага, дэкаратыўна-прыкладнога мастацтва і тэхнічнай творчасці (жывапіс, графіка, вышыванне, вязанне, габелен, бісерапляценне, фларыстыка, квілінг, цестапластыка, папяровая пластыка, выцінанка, роспіс па тканіне, калекцыі мадэляў адзення, стэндавае самамадэліраванне і інш.).
З 25 сакавіка пачало работу журы, асноўнай задачай якога з'яўляецца вызначэнне фіналістаў.
Вынікі конкурсу будуць падводзіцца ў наступных намінацыях:
- выяўленчае мастацтва
- дэкаратыўна-прыкладное мастацтва
- тэхнічная творчасць
Вынікі галасавання журы па адборы фіналістаў будуць абвешчаны 1 красавіка 2013 года і апублікаваны на афіцыйным сайце ўніверсітэта.
Падвядзенне вынікаў фінальнага этапу конкурсу творчых работ “Палёт ідэй і натхнення” і ўзнагароджанне пераможцаў адбудзецца 16 красавіка 2013.
Пажадаем удачы ўдзельнікам!!!
